OzodbekNazarbekov FZSL5502IMG_0262баннер туй_2

 

 

FATTOHHON.COM

« Все новости

“PROLOGUE”–ЁШ КИНОИЖОДКОРЛАР ФЕСТИВАЛИНИНГ ТАНТАНАЛИ ЁПИЛИШ МАРОСИМИДАН! 18.12.2016 17:41

 IMG_6926

16 декабрь куни “Ёшлар ҳафталиги” доирасида, “Ўзбеккино” Миллий агентлиги томонидан ўтказилган “PROlogue” – ёш киноижодкорлар томонидан суратга олинган қисқа метражли фильмлар II Республика фестивалининг тантанали ёпилиш ва ғолибларни тақдирлаш маросими бўлиб ўтди.

IMG_7001

Фестивалда иштирок этиш мақсадида мамлакатимизнинг турли ҳудудларида истиқомат қилувчи профессионал ва ҳаваскор ёш киноижодкорлар томонидан 100 га яқин аризалар келиб тушган бўлиб, тажрибали мутахассислар–киношунослардан таркиб топган Фестивалнинг Саралаш комиссияси кўригидан ўтган 16та фильм орасидан ғолибларни танлаш, Ҳакамлар Ҳайъатига ҳам осон кечмади.

IMG_6908

Фестиваль дастуридаги қисқа метражли фильмларни Ўзбекистонда хизмат кўрсатган маданият ходими, кинорежиссёр Баҳодир Одилов бошчилигидаги Ҳакамлар ҳайъати аъзолари кўриб чиқиб, баҳолаб бордилар. Мазкур маросимда сўзга чиққан Ҳакамлар ҳайъати аъзоари ёш киноижодкорлар томонидан суръатга олинган қисқа метражли фильмларнинг савияси ошганлиги, уларнинг барчаси тақдирлашга муносиб эканлигини, улғайиб келаётган ёшларнинг салоҳияти замон талабларига тўлиқ жавоб беришини мамнуният билан алоҳида таъкидлаб ўтишди.

IMG_7062

Фестивалнинг асосий дастурида намойиш этилган 16та қисқа метражли фильмлар Ҳакамлар ҳайъати томонидан кўриб чиқилиб, қуйидагилар 4та асосий ва 3та қўшимча йўналиш бўйича тақдирланишди:

“Энг яхши қисқа метражли бадиий фильм” учун бош соврин
“Меҳмон”фильмига берилди.

 “Энг яхши сценарий” бўйича соврин “Менинг дунёим” фильмига насиб этди.

“Энг яхши режиссёрлик иши” соврини “Чўлдаги кемалар”фильми режиссёри Ольга Хан лойиқ кўрилди.

“Энг яхши операторлик иши” соврини билан “Тинчлик соҳили” фильми учун Жамшид Ғаниев тақдирланишди.

 IMG_6973

Ҳакамлар ҳайъатининг махсус соврини «Ҳуррият қурбонлари», «Меҳр» ҳамда, «Томошабин меҳрини қозонган фильм» мукофотига «Бизни тушунишмайди» ҳамда, «Адабий асарнинг энг яхши киноталқини» мукофоти билан «Адолат» фильми ижодкорлари тақдирланишди.

IMG_7071

IMG_7070

Шу билан бирга, “Ўзбеккино” Миллий агентлиги Раҳбариятининг ташаббуси билан «Юрсак деймиз изингиздан, Устозлар» номли махсус номинация таъсис этилиб, ушбу мукофотни “Ўзбеккино” Миллий агентлиги Бош Директори Отабек Мусаев, Ўзбекистон санъат арбоби, Ўзбекистон халқ артисти, “Эл-юрт ҳурмати ордени” соҳиби Шуҳрат Аббосовга топширди.

IMG_7109

Тадбир сўнгида, киноактёрлар Муҳаммадисо Абдулхаиров, Бобур Йўлдошев, Адиз Ражабов, Феруза Норматова, Зарина Низомиддинова ва Акбархўжа Расулов ижросида Муҳаммад Юсуф шеъри билан “Улуғимсан Ватаним” қўшиғи залга йиғилган томошабинлар билан бирга куйланди.

IMG_7116

Фестиваль доирасида Ўзбек киносанъати музейида очиқ эшиклар куни, Тошкент шаҳридаги бир қатор коллежларда “Ўзбек миллий кино кунлари” тадбирлари, шунингдек, “Қорақалпоқфильм” киностудияси томонидан суратга олинган “Устюртга йўл” ҳамда, “Ўзбекфильм” киностудиясида суратга олган “Зурриёт” номли бадиий фильмларнинг тақдимотлари ўтказилиб, фестиваль иштирокчилари билан муҳокама қилинди, “Киноактёр” театр студияси томонидан саҳналаштирилган “Тўмарис” спектакли намойиш этилди, маҳорат сабоқлари ўтказилди.

Алоҳида таъкидлаб ўтиш лозим, фестивалда иштирок этган фильмлар жамланиб, махсус каталог ва DVD тўплам шаклида тайёрланади ҳамда, Халқаро кинофестивалларга тавсия қилинади.

“PROlogue”кинофестивалида доирасидаги тадбирларда жами 3 минг нафардан ортиқ ёшлар иштирок этишди.

Саида Вахобова

Феруза Фаттохова

 img_5503

 Фотолар учун фотограф Шерзод Абдумаликовга

миннатдорчилик билдирамиз

IMG_7063

IMG_6883

IMG_7007

IMG_6981

IMG_6976

IMG_6986

IMG_6960

IMG_6957

IMG_6940