OzodbekNazarbekov

        ЯНГИ   

МУАЛЛИФЛИК

   ЛОЙИҲАСИ

photo

   

  

 

     ВИДЕО

   

 

 

 

 

 

 
 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

FATTOHHON.COM

« Все новости

“ҚИЗИЛ ОЛМАЛАР ПИШГАНДА”! РЕЖИССЁР САЙФИДДИН МЕЛИЕВДАН СПЕКТАКЛЬ ПРЕМЬЕРАСИ! ИНСОН ЎЗ ОНАСИНИ УНУТИШИ МУМКИНМИ? 10.11.2013 12:46

IMG_3082_новый размер

Актёр Сайфиддин Мелиевни кино, театр ва клиплардаги ҳар хил характердаги образлари билан яхши таниймиз. Аммо, унинг яна бир ижодий қирраси бўлиб, яъни у маҳоратли режиссёр ҳамдир. "Teatry Uz 2013" да ҳам махсус диплом билан тақдирланган Сайфиддин Мелиев куни кеча, Ўзбек Давлат драма театрида, режиссёр сифатида саҳналаштирган, буюк адиб Саид Аҳмаднинг “Қоракўз” асари ва ёзувчи Шароф Бошбековнинг “Вафодор” киноқиссаси асосида, “Қизил олмалар пишганда” спектаклини омма эътиборига ҳавола этди!

Спектаклда бош ролни устоз актриса Гулбаҳор Йўлдошева ижро этди.

Спектакль муштипар она, унинг “Қоракўз” лақабли ити, ҳамда унинг фарзандлари ҳақида бўлиб, фожеавий драма жанрида.

IMG_3088_новый размер

Инсон нима учун фарзанд кўради, нима учун уни оқ ювиб, тараб вояга етказади? Вақти келиб, унинг кунига яраши, тиргак бўлиши учун эмасми?

Аммо, фарзанд севгини баҳона қилиб, Ватандан, оиладан, онасидан ва яқинларидан кечиб кетса нима бўлади?

Ёки, ўз ташвишлари билан бўлиб онасини унутса-чи?

Муштипар онанинг куни дардлашгани бир итга қолса? Бундан ҳам даҳшатли ҳолат бўлиши мумкинми?

IMG_3094_новый размер

“Қизил олмалар” спектаклида асосан, мана шу ҳақида сўз боради.

Кўп йиллар аввал армия хизмати учун, Россияга кетиб, ўша ерда уйланиб қолиб кетган, ўз юрти, оиласини унутиб ҳам юборган ўғил, вақт ўтиб, тасодиф сабаб топилади. Она шўрлик, эса, катта ҳовлида бир ўзи, ҳамма қизларини узатиб юбориб, биргина мана шу ўғли Бўривойни кутиб, бефарзанд қизи ва биргина ити “Қоракўз” билан дардлашиб, умр кечиради. Ўғли топилганда қанчалик қувонган она, уни ҳаттоки ўз тилини ҳам унутиб юборганини билганида қанчалик изтироб чекади. Онанинг “Тилингни унутибсан, динингни унутибсан, Ватанингни унутибсан, лекин ўтганларни унутганингни кечира олмайман!” дейишларида қанчалик изтироб мужассам.

IMG_3100_новый размер

Бўривойни шунча йил кутган севгилиси қўшни қиз эса, уни Россияда оилали бўлиб кетганини билганидаги ҳолати, аёл изтироби ишонарли кўрсатиб ўтилган.

IMG_3134_новый размер

 Муштипар она, ўз дардини ити Қоракўзга айтади, онани гўёки фақат мана шу тилсиз жонивор тушунади. Бу ит, онани бир бор ҳушидан кетганида, ўлимдан сақлаб қолади. Лекин, иккинчи сафар ўлим барибир онани олиб кетади. Онанинг вафотидан сўнг, бераҳм куёвлар итни йўқотишга киришадилар. Уни шунчалик калтаклаб, олиб чиқиб ташлашадики, айнан шу жараённи кўриб, залда кўзига ёш олмаган томошабин қолмади ҳисоб. Спектаклда ит ролини ижро қилган актёрнинг маҳоратига қойил қолмай илож йўқ!

IMG_3194_новый размер

Аммо, спектакль якунида, барибир Қоракўз ўша ҳовлига, эндиликда онасисиз бир ўзи қолган, онанинг бефарзанд қизи ёнига қайтиб келиши саҳнаси, янада таъсирли чиққан!

IMG_3148_новый размер

Спектаклда декорация ва деталларга алоҳида аҳамият берилган! Масалан, вақт ўтишини соат ифодалаши, марҳум устоз актриса Марьям Ёқубованинг радио орқали авваллари олиб борган тунги эртак дастурининг эшиттирилиши, Бўривойнинг ёшлигидаги онаси сақлаб қўйган либослари, саҳнада сочилиб ётган қизил олмалар ва Бўривой уйга қайтиши ҳамда кетиш олдидан ўша олмаларни соғинч билан ҳидлаши, Бўривойнинг онадан айрилгандаги йиғи саҳнаси, умуман, спектаклдаги ҳар бир ҳолат, алоҳида таъкидлаб ўтишга арзигуликдир.

IMG_3136_новый размер

Мазкур спектакль инсонларга ўз онаси, яқинларига эътиборли ва меҳрли бўлишга, Ватанни қадрлашга ундайди. Мазкур спектакль орқали Сайфиддин Мелиев ўзининг режиссёрлик маҳоратини тўла-тўкис кўрсата олган.

IMG_3198_новый размер IMG_3196_новый размер

Сайфиддин Мелиевга ижодда омад тилаймиз, ҳамда яна мазкур спектаклдай таъсирли ва  мазмунли ижод намуналари кутиб қоламиз.

Саида Вахобова

Феруза Фаттохова

IMG_3145_новый размер

IMG_3152_новый размер