OzodbekNazarbekov FZSL5502IMG_0262баннер туй_2

 

 

FATTOHHON.COM

« Все новости

ЎЗБЕКИСТОНДА ХИЗМАТ КЎРСАТГАН АРТИСТ АБДУРАШИД ЙЎЛДОШЕВ КОНЦЕРТИДАН! ХОНАНДАЛАРГА ҲАМ ОСОН ЭМАС... БАТАФСИЛ! 28.11.2015 05:01

 IMG_6218

Ўзбекистонда хизмат кўрсатган артист Абдурашид Йўлдошевнинг “Истиқлол” санъат саройида 2 кун давомида бўлиб ўтган “Устозим шу халқ” деб, номланган концерт дастурининг икки куни ҳам муваффақиятли ўтди!

IMG_6302

Концерт кунлари санъаткорнинг дўстлари, яқинлари, самимий табриклашди!

IMG_6092

Концертнинг биринчи кунида Ўзбекистон ва Қорақалпоғистон Халқ артисти Озодбек Назарбеков, продюсер Даврон Соипов,

IMG_6240

Ўзбекистон Халқ артисти Гулсанам Мамазоитова, Ўзбекистонда хизмат кўрсатган артистлар Ҳосила Раҳимова,

IMG_6552

Илҳом Фармонов,  хонандалар Адҳам Солиев,

IMG_6461

Абдулла Қурбонов, иккинчи кунида эса, Ўзбекистон Халқ артисти Зулайҳо Бойхонова, Ўзбекистонда хизмат кўрсатган артист Сардор Раҳимхон, “Ниҳол” мукофоти совриндори Улуғбек Раҳматуллаев, “Сурхон” гуруҳи ва бошқалар меҳмон бўлишди.

IMG_6635

Абдурашид Йўлдошевнинг яқин дўсти “Ниҳол” мукофоти совриндори Достон Убайдуллаев эса, дўстининг ёнида, саҳна ортида бўлиб, астойдил қўллаб-қувватлади.

IMG_6500

Лекин, сўз устаси Шукурилло Исроиловнинг талаби билан саҳнага ҳам чиқишига тўғри келди!

IMG_6203 

Концертни Абдурашид Йўлдошев “Ўлкам” қўшиғи билан бошлади.

IMG_6225

Дастурни  “Орият доно” радиосидан Акмал Мирзо олиб борди ва томошабинлар саломлашиб, дастурни бошлаб олгач, санъаткорга концерт номи юзасидан савол билан мурожаат қилди.

IMG_6194

Абдурашид Йўлдошев ҳам, бунга жавобан ёшликдан неча-неча устозлардан таълим олганлиги, шу соҳада, шу кунга қадар, халқимиздан кўп нарсаларни ўрганганлигини айтиб, уларнинг ёнида ҳамиша таъзимда эканлигини билдириб, томошабинларга таъзим қилди.

IMG_6223

Шундан Акмал Мирзо “хонанданинг бугунги дастури ҳам шу халқ учун!” дея, концертни давом эттириш учун навбатни яна Абдурашид Йўлдошевга берди.  

IMG_6213

Асосан, қўшиқлар мазмунига ишонган санъаткор, концертда янги ва севимли қўшиқларидан куйлади. 1 блокда, “Сени ўйламоқ бир ширин”, “Ҳар қарашингда юрагимда қолиб кетасан”, “Дарё”, “Хаёлим ўзингда”, “Тамоша қил”, “Нози қолди”, “Робия бону” қўшиқлари янгради.

IMG_6312

Санъаткор “Робия бону” қўшиғини кичик қизига бағишлаб куйлаганлигини алоҳида таъкидлаб ўтди. Айтиш мумкинки, бу қўшиқ барча оталар номидан қизларига бағишлаб куйланди.

IMG_6322

Биринчи блок тугагач, санъаткор саҳнага устози Мусахон Нурматовнинг тўнғич фарзанди Юсуфхон Нурматовни таклиф этди ва у “Лайло”  қўшиғини куйлади.

IMG_6327

Сўнг, Акмал Мирзо шу вақтгача саҳнада гапирилмаган бир гапни айтиб ўтди: “Бутун дунёда хонандалар концерт дастурларини ҳавола этадилар. Лекин, Ўзбекистондан ташқари, бирор мамлакатда концерт бераётган бирор хонанда ўз ҳисобидан 5 қаторгача бўлган жойларга ҳамкасбларини таклифнома бериб, таклиф этмайди! Бу бирор миллатда йўқ! Фақатгина концерт ташкилотчилари томонидан бирор ҳамкасб хонанда концертда иштирок этсагина, таклиф этилиши мумкин. Ёки ҳамкасблар ҳам чипта сотиб олишлари керак. Фақатгина бизнинг хонандаларимиз, концерт ташкилотчиларидан ўзларининг ҳисобларидан ўз концертига ўзлари таклифнома сотиб олиб, ҳамкасбларига тақдим этадилар! Бу билан фақатгина шуни айтмоқчиманки, хонандаларга доим ҳам осон эмас!”

IMG_6328

Шундан сўнг, Акмал Мирзо концертга ташриф буюрган ҳамкасб санъаткорларни томошабинларга таништириб ўтди.

IMG_6216

“Марҳум санъаткор Рустам Қори Турсуновнинг “Зуҳром келмади” қўшиғи Абдурашид Йўлдошевни сизу бизга танитган. Бугун ҳам, мана шу устознинг қўшиқларидан бири сизларни эътиборингизга ҳавола этилади!” деб, Акмал Мирзо 2 блокни очиб берди.

IMG_6253

Абдурашид Йўлдошев 2 блокни Рустам Қори Турсуновнинг “Боғ кўча” қўшиғини ўз талқинида куйлаб бошлади. 2 блок давомида, “Бармоқларинг бирам нозик”,

IMG_6381

“Хабаринг йўқ” (Зиёда билан дуэт), “Онам ҳам “онам”, деб, йиғлар...”, “Кўнгил учун”, “Соғиндим”, “Сендан ўзга” қўшиқлари янгради.

IMG_6276

“Она” қўшиғидан аввал “Она” ҳақида таъсирли шеър ўқилди.Санъаткор “Оналаримиз бизни кўзимизданоқ қараб тушуниб олишади. Дунёдаги энг меҳрибон, яқинимиз” дея, саҳнадан тушиб,

IMG_6400

IMG_6404

онасига гул ҳам тақдим этди.

IMG_6454

2 блок тугагач, сўз устаси ва актёр Шукурилло Исроилов ўзининг ажойиб ҳазиллари билан томошабинларнинг кайфиятларини янада юқори кўтарди!

IMG_6444

IMG_6504

Шунингдек, Абдурашид Йўлдошевнинг яқин дўсти Достон Убайдуллаевни ҳам саҳнага чақириб, самимий ҳазиллашди! Достон Убайдуллаев ҳам ўз навбатида, дўстига самимий тилакларин билдирди!

IMG_6510

3 блок давомида Абдурашид Йўлдошев “Кўзларинг учун”, “Мастонагинангман”, “Куласан-да”, “Ой қиз”, “Бугундан бошлаб”, “Қизил гул”, “Озорларингдан”, “Майли” қўшиқларини куйлади.

IMG_6533

Концертни санъаткор “Оҳ,мени Ватаним бу” қўшиғи билан якунлади.

IMG_6557

Концертда “Тумор” рақс гуруҳи раққосалари иштирок этишди.

Концерт режиссёри “Эътироф” мукофоти совриндори, режиссёр Ҳайдарали Қосимов.

IMG_6535

Самимий санъаткорнинг концерти ҳам, самимий, кўтаринки руҳда файзли ўтди.

 IMG_6287

Абдурашид Йўлдошев: - Жуда ҳам хурсандман! Беҳисоб шукур! Кутилган натижа бўлди! Бизнинг мақсадимиз, ниятимиз келган меҳмонлар маза қилиб, қўшиқ тинглашса дегандик. Барчага раҳмат!

 IMG_6606

-Бу концертингиз ўзингизни назарингизда аввалгисидан қайси жиҳатлари билан фарқланди?

- Аввалги сафар, илк концертим бўлганлиги учун, олдиндан қандай бўлиши ҳам билинмаган! Бу йил эса, озгина вақт, бир йил бўлгани билан,оз бўлса ҳам, малака бор! Нималардир кутилди, албатта. Репертуар ҳам, ўзимга ёққан қўшиқлардан тузилди! Ҳамма қўшиқларимни ўзим маъқул кўрганлигим учун ижро этдим!

 IMG_6607

-Концертда жонли ижро масаласи?

-Энди, бу концерт съёмка учун фонограммада бўлди. Лекин, келгусида 100 фоиз жонли ижрода концерт қиламиз.

 IMG_6633

-Концертда, саҳнада сиз учун энг кутилмаган ҳолат қандай бўлди ва қандай қилиб, вазиятдан чиқдингиз?

-Энди кутиладию, лекин энг кутилмагани бу Шукурилло акамни нима дейишларини, нимани гапиришларини билмайман! Қандайдир қизиқ гап гапиришларини кутаман, лекин айнан нима дейишларини билмайман! Аммо, бу қийинмас, тўғрисини айтсам, хурсандман! Шу ўринда Шукурилло акам Исроиловга ҳам ўз миннатдорчилигимни билдираман! Ҳамма мухлисларимизга ҳам катта раҳмат, шунчалик ҳурмат қилиб келганликлари, қолаверса, концерт давомида қўллаб-қувватлаган касбдош дўстларимиз, яқинларимизга ўз миннатдорчилигимни билдираман!

 

Саида Вахобова

Феруза Фаттохова

 

IMG_6153

 Фотолар учун Сардор Азимовга алоҳида миннатдорчилик билдирамиз

IMG_6637

IMG_6640

IMG_6596

IMG_6567

IMG_6342

IMG_6527

IMG_6523

IMG_6516

IMG_6477

IMG_6450

IMG_6448

IMG_6428

IMG_6393

IMG_6361

IMG_6345 

 IMG_6305

 IMG_6244

IMG_6276 

 IMG_6207

 IMG_6200

IMG_6197

IMG_6114 

IMG_6260