FATTOHHON.COM
« Все новости
Юртимиздаги таълим муассасаларида Ўзбекистон Республикаси Маданият ва спорт ишлари вазирлиги ташаббуси билан Олий ва ўрта махсус таълим, Халқ таълими вазирликлари, Ўзбекистон Ёзувчилар уюшмаси, Республика Маънавият тарғибот маркази, “Ўзбеккино” миллий агентлиги, “Ўзбекнаво” эстрада бирлашмаси, “Ўзбектеатр” ижодий ишлаб чиқариш бирлашмаси, Ёшлар маданият ва санъат маркази ҳамкорлигида ташкил этилган, Маданият ва санъат намоёндалари иштирокидаги “Ким эдигу ким бўлдик, эртага қандай юксак марраларни эгаллашимиз керак?” мазмунидаги тарғибот тадбирлари давом этмоқда! (МАЪЛУМОТГА ЎТИШ!)
Мазкур тадбирларда “Ўзбекнаво” Эстрада бирлашмалари хонандалари, актёрлар, актрисалар, шоирлар ва ёзувчилар жуда ҳам фаол иштирок этмоқдалар.
Жумладан, “Ниҳол” мукофоти совриндорлари Манзура, Абдували Ражабов, Достон Убайдуллаев, Улуғбек Раҳматуллаев, Дилсўз (Гўзал Жуманиёзова), Фирдавс Пазлитдинов, шунингдек, “Афруз” гуруҳи, Даврон Эргашев, Музаффар Абдуазимов, Умар Шамсиев ва бошқалар ўқув даргоҳларида, ёшлар билан ижодий учрашувларда иштирок этиб, юртимизда Мустақилликдан сўнг, амалга оширилаётган ислоҳотлар, ёшларга берилаётган кенг имкониятлар, “Кеча ва бугун” мавзусида, шунингдек, жаҳонда юз бераётган ҳолатлар ҳамда, Ватанимиздаги тинчлик ва фаровонликнинг қадрига етиш, миллий қадриятларимиз, маданий меросимиз, фарзандларнинг ўз ота-оналари ва Ватани олдидаги бурчлари, касб ва ҳунарга эга бўлишнинг аҳамияти, ватанпарварлик, меҳр-оқибат мавзуларида улар билан фикрлашмоқдалар.
Бу эса, ёшлар онгида Юртимиз тинчлигини, Мустақиллигимизни, ҳамда юртимиздаги имкониятларни қадрига етиш, Ватанпарварлик, юртга садоқат туйғуларини янада кучайтириш, ёшларни турли салбий ғоялардан сақлаган ҳолда, келажакда, юрт равнақи учун ҳаракат қиладиган муносиб баркамол авлод вакиллари, энг муҳими ўз Ватанига садоқатли инсонлар бўлишга ундайди.