FATTOHHON.COM

« Все новости

РЕТРО: ЎША ОНЛАР СОҒИНЧИ 15.05.2012 03:09

Ҳар бир қўшиқнинг ўз даври бўлади. Ўша қўшиқ янграганда хаёлингизга ўша қўшиқ билан боғлиқ онлар, хотиралар келади...

Янги лойиҳа: "РЕТРО: Ўша онлар соғинчи" да сиз севган, соғинган қўшиқларни тақдим этиб борамиз. Агар бу қўшиқлар билан боғлиқ хотираларингиз бўлса, ёки сизда ҳам, бирор онларни ёдга соладиган тароналар бўлса, fattohova@rambler.ru e-mail адресига юборинг.

Биринчи тақдим этиладиган тарона сифатида, доктор Жасур Ризаевнинг "Муҳаббат соғинчи" қўшиғини танладим. Бу қўшиқни тинглаганимда ўзим билан тенгдош дугонамнинг муҳаббати билан боғлиқ хотиралар ёдимга келади...

...

Улар бир маҳаллада туришарди, лекин бир-бирини унчалик билишмасди. Уларнинг яқиндан танишишига "Амир Темур" музейи сабабчи бўлган. У ерга дугонамни ўқиши билан боғлиқ сабаб, боргандик. У йигит ҳам ўша ерда экан. Биз у ерда билмасдан суратга тушиш мумкин бўлмаган жойда суратга тушганмиз. Натижада, албатта гап эшитганмиз. Шунда у йигит назоратчи билан тортишиб, бизнинг ёнимизни олганди. Аслида, ҳақиқатдан ҳам биз нотўғри иш қилгандик. Шу тарзда, биз у билан танишиб қолдик. Аслида, йигит дугонамни таниб, кузатиб юргани учун ҳам унинг ёнини олган экан! Гаплашиб, иккови битта маҳалладан эканлиги маълум бўлгач, кулиб юборишди. Шу тариқа дугонамнинг бахтли онлари бошланди . . . . Тинимсиз қўнғироқлар. . . . смслар. . . . ўша даврда урф бўлган катта-катта қўл телефонларида . . . .)))))))

Ўша даврда жуда машҳур бўлган бу қўшиқ, у йигитнинг энг севимли қўшиғи бўлиб, у ҳар доим шу қўшиқни тинглаши ҳақида, дугонам айтган эди. Йигит қўшиқдаги сўзлар ҳақида дугонамга "биз ҳеч қачон бундай аразлашмаймиз" деган экан. Дугонам ҳам бу қўшиқни кўп тингларди. Чиндан ҳам улар бирор марта қўшиқдаги каби аразлаб уришишмаган. Лекин . . .

У йигит ҳозир орамизда йўқ, тасодифий бахтсиз ҳодиса сабаб, баланд қаватдан йиқилиб вафот этган...

Ҳозирда дугонамнинг оиласи, уч фарзанди бор. Лекин .... ҳали ҳамон қўл телефонида шу қўшиқ сақланар экан. . . .

Кеча дугонам билан кўришганимизда, қўл телефонидаги янги суратларни кўрсатаётганида, тасодифан мусиқа бўлимига кириб кетиб, шу қўшиқни қўйиб юборди. Тинглаб, ўша онлар ёдга тушди . . .

Балки бу қўшиқни тинглаб, сиз ҳам ўзингизни шу қўшиқ билан боғлиқ бўлган бахтли онларингизни ёдга оларсиз!

"Муҳаббат соғинчи"

Кўчириб олиш учун:

http://myfolder.uz/download.php?id=41890&fid=93153&sid=58054127385da25da5d5b9a83f31be68

Феруза Фаттохова