FATTOHHON.COM
« Все новости«Алишер Навоий» кинотеатрида 22 май куни: Соат миллари 18.00 га яқинлашганда, кинотеатр ёнида томошабинлар йиғила бошлаган эдилар. Улар орасида фильм режиссёри Елизавета Карали, Ғайбулла Қўчқоров,
фильмда бош рол ижрочилари актёр Улуғбек Қодиров,
актриса Зарина Низомиддинова,
Режиссёр ва актёр Саид Мухторов, монтаж режиссёри Эркин Муродов, дубляж режиссёри Камоллиддин Раҳимов
фильм монтаж режиссёри Эркин Муродов, дубляж режиссёри Камолиддин Раҳимов, ҳамда таниқли инсонлардан режиссёр ва актёр Саид Мухторов, Соҳиб Аббосхон,
«Ўзбегим таронаси» радиобошловчиси Жамшид Ҳожиниёзов, клипмейкер Жонрид, монтаж режиссёри Муҳбилло Убайдуллаев ва "Опа-сингиллар" сериали бош қаҳрамон ролини ижро этган актёр Азиз Қобиловларга кўзимиз тушди.
Томошабинлардан кўплари бир муддат кинозалга киришни ҳам унутиб, актёр Улуғбек Қодиров ва актриса Зарина Низомиддинова билан биргаликда суратга тушиш билан банд бўлдилар.))))
Кинозалга кириб келганимизда, у ерда яна таниқли инсонлардан хонанда ва актёр Отабек Муталхўжаев, Лола, Шаҳзода, Шаҳзода Матчонова, Динейра, "Жоним" гуруҳи қизлари ҳам бор эдилар.
Бу ерда ҳам, "фотосессия" авжида эди)))))
Шунингдек, режиссёр Дурдона Тўлаганова, иккинчи режиссёр Шаҳло Каримова ҳамда журналист Феруза Фаттохова
Премьерани актёр Лутфулла Саъдуллаев очиб берди ва фильм ижодкорларини саҳнага таклиф этди.
Таништирувлардан сўнг, фильм намойиши олдидан, фильмга актёр Улуғбек Қодиров томонидан куйланган фильм саундтрек клипи намойиш этилди. Улуғбек Қодиров ўзгача қиёфада куйлаган саундтрек чиндан ҳам ўзига хос эди.
Фильм намойиши бошланди...
Фильм комедия жанридаги кўнгилочар фильм бўлганлиги учун ҳам уни жуда жиддий таҳлил қилиш фикридан йироқмиз.
Фильм ғоясига кўра, бугунги кундаги долзарб мавзу шоубизнесни, қишлоқ ҳаёти билан боғлаган ҳолда олиб чиқишга ҳаракат қилинган. Фонограмма, бугунги кунда кўпайиб бораётган "юлдузчалар" ҳақидаги фикрлар, айниқса, хонандаларнинг фонограмма куйлашини ҳаттоки тракторчилар ҳам яхши билади мазмунидаги лавҳалар, ўринли назаримизда.
Лекин, фильм мазмунан негадир Ҳолливуд ижодкорлари томонидан суратга олинган "За бортом" фильмини эслатиб юборди. (Курт Рассел, Голди Хоунни уйида, уй юмушларини қилдиришлари, унинг фарзандларининг шўхликлари, кейин эса аёлга меҳр қўйиб қолишлари)
Операторлик хатоси, қизни деярли цивилизациясиз жойда эрталаб, юзида макияж билан уйғонишлари, тракторчи эса юрмаётган машинани тракторсиз, ҳеч бир воситасиз кутилмаганда тузатиб келиши, қиз хонанда бўла туриб, яна тракторчининг уйидагилар уни хонандалигини била туриб, бир марта ҳам қўшиқ айтиб беришини сўрамасликлари бироз фильм хатоси деб ўйлаймиз. Бу ҳақида, премьерадан сўнг, шу соҳа профессионаллари билан фикр алмашганимизда ҳам, ўз фикрларини билдириб ўтишди.
Лекин, иш бор жойда камчилик бўлиши табиий ҳол.
Фильмда шоу бизнес вакиллари рекламасига алоҳида аҳамият берилиш ҳам бор, назаримизда.
Фильмнинг асосий ютуқларидан бири, бу шубҳасиз актёрлар ансамбли бўлиб, актёр Улуғбек Қодиров ва актриса Зарина Низомиддинова ўз ролларини ишонарли ижро этганлар.
Фильмдаги энг қийин саҳналар актриса Зарина Низомиддинованинг зиммасига юклатилганлиги шубҳасиз. Негаки, актриса фильмда баланд пошнада итдан қочиб югуришига, лойга йиқилишига ва яна бир нечта қийин юмушларни бажаришига тўғри келган ва барчасини ўзига хос юмор билан уддалай олган.
Актёр Улуғбек Қодировга эса ота роли чиндан ҳам ярашган...
Фильм топилмалар ва қизиқарли лавҳаларга бой....
Юз марта эшитгандан бир марта кўрган яхши, деганларидек, фильм 23-майдан кинотеатрларда намойиш этилмоқда!
Мусиқа оламида фақат 7 нота бўлгани каби, фильмлар учун мавзулар ҳам унчалик кўп эмас, назаримизда. Лекин, бу мавзуларни ҳам айнан такрорламай, ҳар гал ўзгача бир ёндошган ҳолда томошабинларга етказиб бера олиш ҳам бир санъат, демакдир...
Феруза Фаттохова
Саида Вахобова