FATTOHHON.COM
« Все новости 
Маданият ва спорт ишлари Вазирлиги ҳамда, Ёшлар Маданият ва санъат маркази ҳамкорлигида ташкил этилган Маданият ва Санъат намоёндалар иштирокидаги “Ким эдигу ким бўлдик, эртага қандай юксак марраларни эгаллашимиз керак?” мазмунидаги тарғибот тадбирлари, жорий йилнинг 28 март-2 апрель кунлари Тошкент вилоятининг 308 та умумтаълим мактаблари ҳамда, 114 та касб-ҳунар коллежи ва академик лицейларида юқори савияда ўтказилди.
Мазкур тадбирларда 130 нафардан зиёд таниқли санъаткорлар ва эстрада хонандалари, кино ва театр актёрлари, шоир ва ёзувчилар, “Ниҳол” мукофоти совриндорлари иштирок этиб, улар жами 130 минг нафар ўқувчи ёшлар ва талабалар жалб этилди.
Мазкур тарғибот тадбирлари, халқимиз ардоғидаги театр ва кино актёрлари, шоир ва ёзувчилар ҳамда, ёшлар орасида таниқли бўлган эстрада хонандаларининг ҳар бир таълим муассасасига ташриф буюришлари, аввалги давр ҳақида ҳаётий мисоллар билан ҳикоя қилишлари, бугунги нурафшон ҳаёт ҳақида дилдан суҳбат қуришлари, бирга куйлашлари, ёшларимизнинг маънавий тарбиясига катта ижобий таъсир кўрсатиши билан муҳим аҳамиятга эга.
Бундай таъсирчан учрашувларда миллий қадриятларимиз, маданий меросимиз, уларнинг жамиятда ҳар бир биримизнинг ҳаётимизда тутган ўрни, турли диний-экстремистик оқимларга кўр-кўрона кириб кетишнинг салбий ва аянчли оқибатлари, фарзандларнинг ўз ота-оналари ва Ватани олдидаги бурчлари, касб ва ҳунарга эга бўлишнинг аҳамияти тўғрисида, Ватанпарварлик, меҳр-оқибат, юртга садоқат каби мавзуларда фикрлар билдирилди, концерт дастурлари ўтказилди.
Шунингдек, Тарғибот тадбирлари давомида ҳар хил ҳудуддаги туман ва шаҳарларда янгидан барпо этилиб, фойдаланишга топширилган маданият ва аҳоли дам олиш марказларида мустақиллик ғояларини тарғиб этишга қаратилган, доимий ҳушёрликка чорлайдиган театр томошалари намойиш этилди.
Таълим муассасаларида ўтказилган бундай тадбирлар, ўқувчи-ёшларнинг мафкуравий иммунитетини янада кучайтиришга, уларда Ватанпарварлик, шукуроналик ҳиссини камол топтиришга ва келажакка бўлган мустаҳкам ишончини янада орттиришга ҳамда, ёшларни турли салбий оқим ва ёт ғоялар, зарарли иллатлар таъсиридан ишончли асраш ва ҳимоялашга хизмат қилади.
Тарғибот тадбирларининг ўзига хос томони шундаки, тадбирлар мамлакатимизнинг барча ҳудудлари бўйлаб 17 декабрга қадар давом этади. “Ким эдигу ким бўлдик, эртага қандай юксак марраларни эгаллашимиз керак?” мазмунидаги тарғибот тадбирлари 4 апрелдан Жиззах вилоятида ҳам старт олди.
Ёшлар Маданият ва санъат маркази матбуот хизмати