FATTOHHON.COM
« Все новости 
«Ким эдигу ким бўлдик, эртага қандай юксак марраларни эгаллашимиз керак?» мазмунидаги тарғибот тадбирлари 4 апрелдан 9 апрелга қадар Жиззах вилоятидаги таълим муассаларида ўтказилиши бошланди.
Тарғибот тадбирлари биринчи куни Жиззах вилоятининг Жиззах шаҳри, Арнасой, Бахмал, Дўстлик, Ғаллаорол туманларидаги 49 та умумтаълим мактабларида, “Меҳрибонлик уйи”, 18 та касб-ҳунар коллежи ва 4 та академик лицейлар, олийгоҳлар ҳамда маданият ва аҳоли дам олиш марказида юқори савияда ўтказилди.
Мазкур тадбирларда 75 нафардан зиёд таниқли санъаткорлар ва эстрада хонандалари, кино ва театр актёрлари, шоир ва ёзувчилар, “Ниҳол” мукофоти совриндорлари иштирок этиб, улар жами 20 минг нафарга яқин талаба ёшлар жалб этилди.
Шунингдек, ўтказилаётган тадбирлар давомида жойлардаги таълим муассасаларида юртимизда Мустақилликкача бўлган давр ҳамда, Мустақиллик йилларида амалга оширилган ислоҳотларни «Ким эдигу ким бўлдик, эртага қандай юксак марраларни эгаллашимиз керак?» номли фотокўргазмалар, видеороликлар, ёшларни ватанпарварликкка ундовчи, тинчлик ва осойишталикни кўз қорачиғидек асрашга даъват этувчи, ғаразли ғоялар ва турли кучларнинг жинояткорона ҳаракатларини фош этувчи бадиий фильмлар, «Ким эдигу ким бўлдик, эртага қандай юксак марраларни эгаллашимиз керак?» мавзусидаги ролик Жиззах шаҳри, Арнасой, Бахмал, Дўстлик, Ғаллаорол туманларидаги умумтаълим мактаблари, олийгоҳлар, касб-ҳунар коллежлари ҳамда академик лицейлар ва “Меҳрибонлик уйи”да намойиш этилди.
Мазкур тарғибот тадбирлари ёшларимизни маънан етук, ўз юрти келажагига муносиб ҳисса қўша оладиган баркамол авлод бўлиб вояга етишишларида муҳим аҳамиятга эга эканлиги шубҳасиз.
Ёшлар Маданият ва Санъат Маркази
Матбуот хизмати
