“ПАПАГАНДУС (PAPAGANDUS) 3D – афсонавий гиёҳ” - `ЁПИҚ НАМОЙИШ! 16.02.2013 07:10
Ўзбекистонда илк маротаба 3D форматида янги фильм суратга олинаётганлиги ҳақида хабар қилган эдик.
АВВАЛГИ МАЪЛУМОТГА ЎТИШ!
“Ўзбеккино” Миллий агентлиги, ҳамда Fantasy Production ҳамкорлигида суратга олинган Фильм,
эндиликда
“ПАПАГАНДУС (PAPAGANDUS) 3D – афсонавий гиёҳ”
номи билан 1 мартдан катта экранларга чиқиши кутилмоқда!
“Папагандус (Papagandus) 3D – афсонавий гиёҳ” фильмини тор доирадаги махсус ёпиқ намойиши, 16 февраль куни Киночилар уйида бўлиб ўтди.
Эслатиб ўтамиз, фильм режиссёри Баҳодир Ортиқов
Фильм продюсери Азиз Паттохов, Баҳром Юнусов
Фильмда бош ролни актёр Адиз Ражабов ижро этган. Шунингдек фильмда, Алишер Абдукаримов, Маъруф Отажонов, ҳамда Ғайбулла Ҳожиевлар ҳам роль ижро этишган.
Фильм фантастик саргузашт жанрида бўлиб, унда бош қаҳрамон Равшаннинг онасига бўлган чексиз меҳри, ҳамда дўстлик мавзуси асос қилиб олинган.
Равшан оғир касалликка чалинган онаси учун турли қийинчиликларни бошидан кечириб, ҳаттоки ўтмишгача бориб келишига тўғри келади.
У ҳаттоки ўз ҳаётини хавф остига қўйишига ҳам тўғри келади! Унинг дўсти Алишер бўлса, азбаройи дўстликка бўлган садоқати туфайли, дўсти билан баробар шу қийинчиликларни енгиб ўтади.
Фильм инсонларда онага бўлган меҳр ва ҳурмат, ҳамда дўстликка садоқатни таранннум этади. Шунингдек, турли кутилмаган саргузаштлар 3 D форматида фильм давомида томошабинга ҳамроҳ бўлади!
“Папагандус (Papagandus) 3D – афсонавий гиёҳ” бу 3 D форматида Ўзбекистонда суратга олинган илк фильм ва илк қадамдир! Бу ўзбек киносида ҳақиқий янгилик ва бурилиш бўлиши кутилмоқда!
Шу кунгача фақат хориж фильмлари 3 D форматида тамоша қилаётган эдик. Эндиликда эса, мазкур форматда илк ўзбек фильмини кўришимиз мумкин!
ДЕМАК, КУТИБ ОЛАМИЗ! ТАРИХИЙ ДАҚИҚАЛАР ЯҚИНЛАШМОҚДА!
1 МАРТДАН БАРЧА КИНОТЕАТРЛАРДА,
3 D ФОРМАТИДА
ЯНГИ ИЛК ЎЗБЕК
“ПАПАГАНДУС (PAPAGANDUS) 3D –афсонавий гиёҳ” ФИЛЬМИ!
Фильмни 1 мартдан бошлаб, ўзбек тилида
“Алишер Навоий” (собиқ Панорама) киносаройида, “Киночилар уйи”да, “Ватан”, “Ғунча” ҳамда, “Fantasy Production” кинотеатрларида,
Шунингдек рус тилида
“Киночилар уйи”, “Premier Hall Cinema”, “City Makon”, “Mega Cinema”,
“Asia”, “Fantasy Production” кинотеатрларида тамоша қилишингиз мумкин!
Саида Вахобова
Феруза Фаттохова
