FATTOHHON.COM

"Ниҳол" ва "Эътироф" мукофотлари совриндори Улуғбек Раҳматуллаев ўзининг “Қирмизи олма” қўшиғини рус тилида “Яблоко любви” деб куйлагач, бу қўшиқ унинг русийзабон мухлисларига ҳам манзур бўлиб, ҳаттоки Россиядан, Қозоғистон ва бошқа жойлардан концерт таклифлари бўлмоқда!

Лекин, энг ўзгачаси эса, яқиндагина Грециянинг таниқли хонандаларидан бири “Варсал” Улуғбек Раҳматуллаевни ижтимоий тармоқлардан топиб, “Қирмизи олма” қўшиғини унга сотишини ва у грек тилида шу қўшиқни куйлашни сўради!

Улуғбек Раҳматуллаев эса, унга жавобан бу қўшиқни бемалол куйлаши мумкинлигини, бу ерда ҳеч қандай моддий муносабат бўлиши мумкинмаслигини билдирди! Ҳаттоки, бу қўшиқни интернет орқали, минусовка ва караоке вариантини ҳам Грецияга жўнатди!

Бундан қувонган Грециялик хонанда Варсал эса, тез орада Улуғбек Раҳматуллаевга ўз видео миннатдорчилигини Грециядан юборишини ва ўзбек мусиқасига ҳурмати ошганлигини билдирди!