FATTOHHON.COM

18 июль куни соат 19.00 да, «Туркистон» санъат саройининг ёзги биносида «Аъло FM» радиосининг 6 йиллигига бағишланган концерт дастури бўлиб ўтди.

 

Концерт дастурини «Аъло FM»дан Олимхўжа Азимов, Ойбек Рихсибеков, Ирода Носирова, Абдувосит Саримсоқов, Умид Ҳайдаровлар навбатма-навбат олиб боришди.

Концерт дастурида хонандалардан Райҳон,

Сардор Раҳимхон,

Ёдгор Мирзажонов, Равшан Собиров,

Зиёда, Шаҳноз,

Улуғбек Раҳматуллаев,

 

Отабек Муталхўжаев,

Шохруххон,

Рухшона,

"Шод" гуруҳи учун қўшалоқ байрам, чунки 18 июль куни гуруҳнинг кенжа аъзоси Дониёрнинг туғилган куни!

"Шод" гуруҳи,

"Ато" гуруҳи,

 

"Уммон" гуруҳига мухлисларнинг саволлари тинмасди.

Шунингдек, суратларга тушишлар ҳам...

"Уммон", "Манго" ва

"Саҳро" гуруҳлари, "Марварид" болалар гуруҳи,  "Comedy UZ" ва "ҚВЗ қизлар термаси", ҳамда бир нечта ёш хонандалар қатнашдилар. Албатта, концерт дастурининг кульминацион нуқталаридан бири Озарбайжонлик хонанда Узейир Мехтизаденинг ташрифи бўлди.

 

 

 

 

 

У концерт томошабинлари учун cевимли терма қўшиқларини куйлади.

Барча қатнашчилар, «Аъло FM» радиосини 6 йиллик байрами билан қутлаб, самимий тилаклар билдирдилар.

Ёдгор Мирзажонов: - «Аъло FM» радиосини туғилган куни билан чин қалбдан табриклайман. Ўзим кўпинча, айниқса, машинада «Аъло FM»ни кўп эшитаман. Радионинг жонкуярларига ўз миннатдорчилигимни билдираман ва уларни 6 йиллик байрами билан табриклайман!

Отабек Муталхўжаев: - «Аъло FM» радиосини 6 йиллик юбилейи билан табриклаймиз! Ҳозир шундай ажойиб концерт дастури бўлиб ўтмоқда. «Аъло FM» ижодкорларига ҳамиша фидоийлик тилаймиз.

Дилсўз: - «Аъло FM» радиосини жуда ҳам яхши кўраман. Гастролларга кетганда, йўлда кўп эшитамиз. Жуда ҳам қувноқ радио! Бу радио орқали янги номларни эшитамиз, кўплаб янги қўшиқларни премьералар қилади. Ўзим ҳам янги қўшиқларимни «Аъло FM» радиоси орқали премьера қиламан. Чунки, бизнинг кўтарилишимизда, халққа танилишимизда, бу радионинг ҳам, ҳиссаси бўлганлиги учун, уларга ўз миннатдорчилигимни билдираман. Уларни 6 йиллиги билан табриклайман! Бундан ҳам улкан зафарлар тилаб қоламан, мухлислари сони кўпайишини, бутун Ўзбекистон уларни эшитишини тилаб қоламан. Ҳамиша, мана шундай эл хизматида бўлиб, янада юқори чўққиларни забт этишига тилакдошман!

"Ато" гуруҳи:  - «Аъло FM»ни 6 йиллик тўйи билан чин дилдан табриклаймиз. Барча томошабинлар ва мухлисларимизга каттадан-катта раҳмат! Бу концерт охиргиси эмас, насиб қилса, кейинги йилларда ҳам, яхши кайфиятда, янгидан янги совғалар билан ҳаммани хурсанд қилишда давом этамиз.

Фақат биз кўпроқ саҳна ортида бўлиб, концерт дастурини тўлиқ кўрмаганлигимиз учун ҳам, концерт дастурини умумий таҳлил қилиш фикридан йироқмиз.

Бу концерт асосан, «Аъло FM» радиосининг 6 йиллигига бағишланган қувноқ байрам кечаси, десак янглишмаймиз.

«Аъло FM» радиосини 6 йиллик байрами билан сайтимиз номидан табриклаймиз! Барчангизга ҳамиша «Аъло FM» радиоси билан Аъло кайфият!

Феруза Фаттохова

Саида Вахобова