FATTOHHON.COM
« Все новости
Ўзбекистон ва Қорақалпоғистон Халқ артисти Озодбек Назарбековнинг концерти кундан кунга бурилишлар, ҳамда кутилмаган ҳолатларга бой бўлмоқда!
Томошабинлар талаблари билан ҳаттоки об-ҳавога мос қўшиқларгача куйланмоқда!
15 апрель куни Ўзбекистонда хизмат кўрсатган артист Женисбек Пиязов Озодбек Назарбековнинг таклифига кўра “Лола” қўшиғидан бир куплет куйлагач,
саҳнага чиқиб, бошқа бир қўшиқни ҳам куйлади. Бу қўшиқ учун созандаларга дирижёрликни эса, санъаткорнинг ўзи амалга оширди!
17 апрель кунида Озодбек Назарбеков кучли ёмғир ёққани учунми, томошабинлар талабларига биноан, “Ёмғир ёғар” қўшиғини ҳам куйлаб берди!
Шу куни Шерзод Бин саҳнада Санъаткорнинг таклифига кўра, уни пародия қилиб берди ва санъаткор унга “мен ростдан ҳам шундай қиламанми?” деб, ҳазил қилиб, унинг пародиясини такрорлаб берди.
18 апрель куни эса, Санъаткор сурнай билан ажойиб импровизацияни амалга оширди!
Шу куни концерт якунида, йиғилган барча меҳмон санъаткорлар саҳнага чиқиб, биргаликда куйлашди!
Санъаткор концертдаги бошловчиликни ҳам ўзи қойилмақом тарзда уддаламоқда ва унинг ҳазиллари ҳам, ҳар қандай сўз устасиникига бас келадиган даражада бўлмоқда!
Залда бирорта бўш ўриндиқ қолмаслигидан ташқари, шўх қўшиқларда томошабинларнинг рақслари ҳам тинмаяпти!
Концертда ҳам санъаткорлар ҳар куни, ўз вақтига қараб томошабин меҳмон бўлишмоқда. Жумладан, концертнинг 15 апрель кунида Ўзбекистонда хизмат кўрсатган артистлар Мавлуда Асалхўжаева, Юлдуз Турдиева, Женисбек Пиязов, шоир Ботир Эргашев,
17 апрель кунида Шерзод Бин, “Ниҳол” мукофоти совриндори Дилсўз, ҳамда унинг турмуш ўртоғи хонанда Фаррух Раимов томошабин меҳмон бўлишди.
18 апрель куни Ўзбекистон Халқ артисти Гулсанам Мамазоитова, Ўзбекистонда хизмат кўрсатган артистлар Ҳосила Раҳимова, Равшан Комилов, Яҳё Мўминов, Абдурашид Йўлдошев, Илҳом Фармонов, хонандалар Ботир Қодиров, Музаффар Абдуазимов, сўз устаси ва актёр Шукурилло Исроилов, “Соmedy Uz” дан Иноятилло ва бошқалар...
19 апрель кунида Ўзбекистон ифтихори, Ўзбекистонлик FIFA рефериси Равшан Эрматов,
Ўзбекистон Халқ артисти Муножот Йўлчиева, Ўзбекистонда хизмат кўрсатган артист Зиёда, “Ниҳол” ва “Эътироф” мукофотлари совриндори Улуғбек Раҳматуллаев ва бошқалар...
20 апрель куни эса, Ўзбекистон Халқ артисти Фаррух Зокиров,
Шахзода, “Тарона” студияси директори Даврон Муқимов, 
“Ниҳол” мукофоти совриндори Достон Убайдуллаев, хонанда Ҳожиакбар томошабин меҳмон бўлишди!
Концерт кунлари талабларга биноан, яна 2 кунга узайтирилган!
21 ва 22 апрель кунлари ҳам, соат 19.00 да “Истиқлол” санъат саройида Озодбек Назарбековнинг концерти давом этмоқда!
Саида Вахобова
Сардор Азимов, Ўткир Мирзааҳмедов ва Озод Жамол фотолари
Концертдан ёрқин лаҳзалар эртага!