FATTOHHON.COM
« Все новости 
Ўзбекистон Республикаси Маданият ва спорт ишлари вазирлиги ташаббуси билан Олий ва ўрта махсус таълим, Халқ таълими вазирликлари, Ўзбекистон Ёзувчилар уюшмаси, Республика Маънавият тарғибот маркази, “Ўзбеккино” миллий агентлиги, “Ўзбекнаво” эстрада бирлашмаси, “Ўзбектеатр” ижодий ишлаб чиқариш бирлашмаси, Ёшлар маданият ва санъат маркази ҳамкорлигида, 2-7 май кунлари Сурхондарёда ўтказилаётган “Ким эдигу ким бўлдик, эртага қандай юксак марраларни эгаллашимиз керак?” мазмунидаги тарғибот тадбирлари муносабати билан,
2 май куни Вилоят Касаба уюшмалари ташкилотлари бирлашмаси мажлислар залида, Ўзбекистон Маданият ва спорт ишлари вазирлиги Ижодкор ёшлар билан ишлаш бошқармаси бошлиғи, Ёшлар маданият ва санъат маркази ДУК директори в.в.б. Жамолиддин Узаков, вилоят ҳокимининг биринчи ўринбосари А. Абдужалилов, Ҳоким ўринбосари Ў.Қобилов, Ўзбекистон ва Қорақолпоғистон Республикаси Халқ артисти Озодбек Назарбеков, Ўзбекистон Халқ артистлари Маҳмуд Намозов, Мирза Азизов, Ўзбекистонда хизмат кўрсатган артистлар Машраб Кимсанов, Матёқуб Матчонов, Фатхулла Маъсудов, Боир Холмирзаев, Ўзбекистон Ёзувчилар уюшмаси аъзоси, шоир Сирожиддин Саййид, Тўлқин Ҳайит, Абдумажид Азим, театр ва кино актёрлари, эстрада хонандалари билан биргаликда Матбуот анжумани бўлиб ўтди.
Матбуот анжуманида тарғибот гуруҳи аъзолари томонидан берилган саволларга муносиб жавоблар берилиб,
шунингдек, шу кунга қадар амалга оширилган ишлар тажрибасидан келиб чиққан ҳолда, тадбирларни янада сермазмун ва юқори савияда ташкил қилиш ҳақида фикр алмашилди.
Ёшлар маданият ва санъат маркази матбуот хизмати
