FATTOHHON.COM

“ФАХРИЙЛАРГА ТАЪЗИМ” КОНЦЕРТ ДАСТУРИДАН! 11.05.2016 07:16

“Истиқлол” санъат саройида “Умумхалқ байрами-Хотира ва қадрлаш куни” муносабати билан 10 ва 11 май кунлари соат 13.00 да “Фахрийларга таъзим” концерт дастури бўлиб ўтди!

Мазкур концертда, Ўзбекистон Халқ артисти Абдуҳошим Исмоилов раҳбарлигидаги “Мақом” ансамбли, Ўзбекистон Халқ Ҳофизлари Бекназар Дўстмуродов, Абдунаби Иброҳимов,

Ўзбекистон Халқ артисти Муножот Йўлчиева,

Ўзбекистон ва Қорақалпоғистон Халқ артисти Озодбек Назарбеков,

Ўзбекистон Халқ артистлари Замира Суюнова,

Зулайҳо Бойхонова,

Гулсанам Мамазоитова,

Ўзбекистонда хизмат кўрсатган артистлар Оғабек Собиров,

Абдурашид Йўлдошев,

“Ниҳол” мукофоти совриндори Гуласал Абдуллаева ва бошқалар иштирок этишди.

Санъаткорлар Лутфий, Алишер Навоий, Бобур, Машраб, Ҳофиз Шерозий каби адабиётимизнинг мумтоз намоёндалари ғазаллари ҳамда, замондош шоирлар шеърларини қўшиқ қилиб куйлашди.

Шунингдек, Ўзбекистон Халқ артисти Муҳаммадали Абдуқундузов ҳам бадиий чиқиш билан иштирок этди.

Рақсларда “Ўзбекистон”, “Наврўз” рақс ансамбллари қатнашишди.

Концерт дастури файзли ўтди!

Шунингдек, “Истиқлол” санъат саройи фойесида “Ким эдигу ким бўлдик, эртага қандай юксак марраларни эгаллашимиз керак?” мавзусида фотокўргазма ҳам ташкил этилди.