FATTOHHON.COM
« Все новости 
Бошловчи, ҳамда “Миллион” гуруҳи иштирокчиси Даврон Кабуловнинг бахт тўйи янги очилган “Мумтоз” ресторанида бўлиб ўтди!
Тўй санасининг айнан 23 майда ўтказилгани, ҳамда Даврон Кабуловнинг бу рақамни яхши кўриши сабаби, аввал интервьюсида айтганидек, бу куни унинг онасининг туғилган куни билан боғлиқ бўлди! Шу куни унинг волидаси 48 ёшга тўлгани муносабати билан тўй давомида видеоролик намойиш қилиниб, сўнг Даврон ва бошқа дўстлари, унинг онасини чин дилдан табриклашди! Сўнг, Ўзбекистонда хизмат кўрсатган артист Абдурашид Йўлдошевнинг қўшиғига Давроннинг волидаси рақсга тушдилар.
Тўй бошланишиданоқ ноодатийлиги билан янгиликларга бой бўлди.
Тўйхонага келиннинг бир ўзи кириб келди, ҳамма ҳайрон бўлиб турганда,
саҳнага чиқиб келган куёв Даврон Кабулов рафиқаси учун “Қалбимда гуллар очила бошлар” дея куйлаб, у томонга юрди.
Сўнг, куёв ва келин ўз жойларини эгаллашди!
Тўйда жуда кўп санъаткорлар ва хонандалар меҳмон бўлишди, ҳамда севимли қўшиқлари билан куёв ва келинни табриклашди, бахт тилашди!
Ўзбекистон Халқ артистлари Фаррух Зокиров,
Гулсанам Мамазоитовадан тортиб,
“Шуҳрат” медали соҳибаси Шахзода,
Ўзбекистонда хизмат кўрсатган артистлар Тоҳир Содиқов,
Рашид Холиқовларгача энг хит қўшиқларидан куйлашди.
Кўплаб кино олами вакиллари, ҳамда куёвнинг ҳам кўплаб дўстлари ҳам меҳмон ва мезбон бўлишди. Куёвнинг дўстлари, “Миллион” жамоаси вакиллари бир хил кийимда эдилар.
Анъанавий келинсаломдан торт кесиш маросимигача амалга оширилди.
Тўй жуда ҳам файзли бўлиб, куёв ва келин билан суратга тушганларнинг чеки йўқ эди!
Куёв ва келиннинг илк рақси ҳам, жуда чиройли чиқди! Олқишларнинг чегараси бўлмади!
Шерзод Бин эса, куёв ва келин учун махсус видеорепортаж тайёрлади!
Барча куёв ва келинга дилдан бахт, келажакда кўпдан кўп шириндан ширин фарзандларнинг ота-онаси бўлишларини тилашди!
Биз ҳам ўз навбатида, Даврон Кабулов ва Эъзозахоннинг оилавий бахт қасрига қўйган қадамлари қутлуғ бўлиб, ҳамиша биргаликда ширин ҳаёт кечиришлари, қўша қариб, энг бахтли оилалардан бўлишларига тилакдошмиз!
Фотолар учун фотограф Ўткир Мирзааҳмедовга
миннатдорчилик билдирамиз
