FATTOHHON.COM
« Все новости 
Жорий йилнинг 23-29 май кунлари, “Ўзбеккино” Миллий агентлиги томонидан Европа Иттифоқининг Ўзбекистондаги Делегацияси билан ҳамкорликда, IV Европа киноси фестивали ўтказилмоқда.
Мазкур Фестиваль олдидан эса, 20 май куни “Ўзбеккино” Миллий агентлиги Раҳбарияти ва Европа Иттифоқининг юртимиздаги Делегацияси иштирокида Матбуот Анжумани бўлиб ўтди. Унда “Ўзбеккино” Миллий агентлиги Бош Директори Отабек Мусаев, Европа Иттифоқининг юртимиздаги Делегацияси Раиси Юрий Штерк, Делегация аъзолари, ҳамда оммавий ахборот воситалари вакиллари иштирок этишди.
23 май куни эса, шу муносабат билан мазкур Фестивалнинг Тантанали очилиш маросими 23 май куни “Алишер Навоий” Киносаройида бўлиб ўтди.
Унда “Ўзбеккино” Миллий агентлиги Бош Директори Отабек Мусаев, Европа Иттифоқининг юртимиздаги Делегацияси Раиси Юрий Штерк сўзга чиқиб, сўнгги йилларда Ўзбекистонда Миллий Киноматография санъатини янада ривожлантириш борасида Ҳукумат томонидан кўрсатилаётган юксак эътибор натижасида эришилаётган ютуқларни алоҳида эътироф этиб ўтишди.
Мазкур Фестивалда Европа Иттифоқига аъзо мамлакатлар, жумладан, Австрия, Болгария, Буюк Британия, Германия, Греция, Латвия, Португалия, Словакия, Словения, Франция, Финландия, Швецария ва Чехия давлатлари киноижодкорлари томонидан яратилган жами 17 та фильм намойиш этилмоқда.
Барча намойишлар “Алишер Навоий” Киносаройида бўлиб ўтмоқда.