FATTOHHON.COM

ҲАЁТ УЧУН! ФУТБОЛИГА ТАЙЁРГАРЛИК ЖАРАЁНЛАРИ ДАВОМ ЭТМОҚДА: АКТЁРЛАР ЖАМОАСИГА СОВУҚ ПИСАНД ЭМАС! 22.02.2013 16:26

22 февраль куни ҳам ҳаво қаттиқ совуқ бўлишига, ҳамда бир-бир ёмғир томчилаб турганига ҳам қарамай, актёрлар жамоаси “Ҳаёт учун!” футболига тайёргарликни давом эттиришди!

Тайёргарлик жараёнлари давомида, Салмоннинг ўзи билмай қилган шошилинч ҳаракати туфайли, хонанда, актёр ва режиссёр Жаҳонгир Позилжоновнинг оёғи бироз жароҳатланди...

Аммо, Жаҳонгир Позилжонов футболга тайёргарликни тўхтатмади!

Шу куни актёр Акбархўжа Расулов ҳам оёқ пайи чўзилганига қарамай, тайёргарлик ўйинларини давом эттирди!

Ёш хонанда Салмонни куни кеча гуруҳлар командасидаги футболга тайёргарлик жараёнларида учратган эдик. Бугун эса, актёрлар жамоасида ҳам тайёргарликни амалга оширди. Демак, бошқаларга қараганда 2 баравар кўпроқ тайёргарлик қилмоқда...

Тренер Рустам Қурбонбоев талабига кўра, гуруҳ кўплаб машқларни амалга оширди! Айниқса, дарвозага тепилган тўпларнинг саноғи йўқ!

Тренер талабига кўра, гуруҳ аввалги сафарлардагидек иккига бўлиниб олиб, ўзаро тайёргарлик футбол ўйинларини амалга оширди. Жараёнлар янада қизиқарли кечмоқда!

Бу галги тайёргарлик ўйинларида, Туркияда сафардалиги туфайли телебошловчи журналист Даврон Кабулов иштирок эта олмади.

Саида Вахобова

Феруза Фаттохова