FATTOHHON.COM

«Ҳаёт учун!» футбол жараёнларига тайёргарликлар давом этмоқда.

23 февраль куни Гуруҳлардан иборат футбол командаси ўзларининг навбатдаги тайёргарлик жараёнларини ўтказдилар.

Гуруҳлар футбол командаси эндиликда малакали тренер билан тайёргарлик олиб бормоқдалар.

Тренернинг кимлиги ва унинг гуруҳлар командаси ҳақидаги фикрлари билан тез кунда батафсил маълумот берамиз.

Ҳозирда гуруҳлар футбол командаси, командага ўзаро ном танламоқдалар. Ҳозирча ўйланган тахминий номлардан бири “Жонли ижро”.

Бу ном “Фаёз” гуруҳи хонандаси Шерали томонидан таклиф этилди. Шералининг ўзи эса, афсуски ўтган галги тайёргарлик жараёнларида оёғидан жароҳат олганлиги учун тайёргарлик ўйинларида қатнаша олмаяпти. Лекин, шунга қарамай, тайёргарликларни қолдирмай, келиб тренернинг сабоқларини кузатиб турибди.

Ўтган сафар актёрлар гуруҳида ҳам тайёргарлик олиб борган ёш хонанда Салмон эса, бу гал яна гуруҳлар командасида.

Гуруҳлар командаси ҳам кечаси қаттиқ совуқ бўлишига қарамай, тайёргарлик машқларини давом эттирмоқдалар.

Саида Вахобова

Феруза Фаттохова