FATTOHHON.COM

Art Week Style.uz-2012 Санъат ҳафталиги доирасида, 8 октябрь куни “Ёшлар ижод саройи”да америкалик дизайнер Carolina Herrera нинг куз-қиш 2012 коллекцияси либослари намойиши бўлиб ўтди. Бу галги либослар тақдимотини, кузги сокинликнинг анъанавий намойиши дейиш мумкин. 

 

Либослар коллекцияси ўзида романтика ва кузги сокинликни мужассамлаштирган.  Либослар  намойиши учун ҳам, ўзига хос руҳдаги лирик мусиқа танланиб, мусиқа остида енгил қадам ташлаётган моделлар,  шлефли ҳашамдор оқшом либосларида гўёки ўрта асрдаги инглиз хонимларини ёдга соладилар.

Мазкур тўпламдан яна калта бурмали ромактик кўйлаклар, узун юбкалар, винаж костюмлар, нимчалар, мўйнали ёпинчиқлар ҳам ўрин эгаллаган. Бу янги коллекция либосларини кузатиб, ҳақиқий сокин куз оқшомларини ҳис қилиш мумкин.

Оқшом либослари, либослар коллекциясининг асосий қисмини ташкил қилган бўлиб, тўғри қоматга мос бичимдагилари ва кенг юбкалилари ҳам бор эди.

Юпқа шифон ва нафис безакларга алоҳида аҳамият берилган. Қора, кулранг, пушти, оқ, жигарранг, сиёҳранг, тилларанг каби ранглар уйғунлашган либослар, куз ойларининг сокинлигини ўзида акс эттириб, уни намойиш қилаётгап моделларга ҳам, табиий гўзалликка яқин макияж қилинган. Уларнинг сочлари ҳам бир хил турмакланган. Либослар совуқ мавсумга мос равишда, чарм, жун ва бархатдан тикилган.

 

Каролина Эррера 1969 йилнинг 28 августида Венесуланинг Каракас шарида  туғилган. Унинг болалик тасаввурларида фантазия ва хаёлот уйғунлашган эди. 12 ёшида ота-онаси билан доимий яшашга Нью-Йоркка кўчиб ўтишган.

1970 йилларда энг дунёнинг энг дидли аёлларидан деб тан олинган. 1980 йилда “Carolina Herrera New York” лейблига асос солгандан сўнг, 12 йил давомида Жаклин Кеннедини “кийинтирган”. “Carolina Herrera New York” Лос- Анжелес,Нью-Йорк, Даллас, Лондон ва Москвада ўз бутикларига эга.

1987 йилда Carolina Herrera атрини  оммага тақдим қилган. Фақатгина либослар борасидагина эмас, Парфюм бўйича ҳам, қатор ютуқларга эришган парфюмер. Уни мода оламининг ҳақиқий афсонаси дейиш мумкин.

 

Антонина Кудратова Фонд Форумдан: - Жуда ҳам қизиқарли, гўзал коллекция. Асосий эътибор оқшом либосларига қаратилган. Кўк шифон ва оч настарин билан кумушранг уйғунлашган либослар, менга жуда ҳам маъқул бўлди. Шунингдек, кулранг костюмлар ҳам жуда ажойиб.

 

Клара Хабибулина “Эжен стайл” модалар агентлигидан: - Бундай ажойиб намойиш учун катта раҳмат! Жуда ҳам чиройли тақдимот, либослар ёрқин ва такрорланмас бўлиб, нозик дид билан яратилганлиги билиниб турибди. Либосларда аёллик нафосати мужассам. Бу намойишларда менинг қизим ҳам модель сифатида иштирок этмоқда. Ҳаммаси ажойиб ташкиллаштирилган ва бунинг учун ташкилотчиларга ўз миннатдорчилигимни билдираман.

Саида Вахобова

Феруза Фаттохова