FATTOHHON.COM
« Все новостиАввал хабар берганимиздек, Ўзбекистон Республикаси Маданият ва спорт ишлари вазирлиги Ёшлар маданият ва санъат маркази томонидан Марказ қошида “Ёшлар театр студияси””, “Миллий ва замонавий эстрада хонандалиги”, “Миллий ва замонавий рақс” ва “Инглиз тили” лойиҳалари фаолияти йўлга қўйилган эди.
2016 йил 25 май куни “Инглиз тили” лойиҳаси учун саралаш босқичи ўтказилган бўлса, 10-11 июнь кунлари “Миллий ва замонавий рақс” лойиҳасига ёш раққосалар саралаб олинган эди.
Жорий йилнинг 17 июнь куни Ёшлар маданият ва санъат маркази яна бир лойиҳа “Ёшлар театр студияси”га иқтидорли ёшларни гуруҳларга бўлиб саралаб олди.
Саралаш жараёнларида Муқимий номидаги мусиқали драма театри актрисаси Ўзбекистонда хизмат кўрсатган артист Гулчеҳра Носирова ҳамда, ёш иқтидорли актёр Расулхон Қодирхоновлар ва бошқа соҳа мутахассислари иштирок этди.
Мазкур лойиҳада иштирок этиш истагини билдирган 70 дан ортиқ ёшлар ўз иқтидорларини намоён этдилар.
Танловда саралашдан ўтган ёшларимиз уч гуруҳга бўлинган ҳолда июль ойидан ўз фаолиятларини бошлайдилар.
Ёшлар маданият ва санъат маркази
матбуот хизмати
