FATTOHHON.COM

3 ноябрь куни Ўзбекистон Ёшлар театрида, режиссёр Камилла Абдурахманова томонидан саҳналаштирилган, Александр Гриннинг “Қизил елканли кема” мюзикль спектаклининг навбатдаги намойиши бўлиб ўтди.

“Қизил елканли кема” асари, бу чиройли муҳаббат ва орзулар қиссаси бўлиб, ҳар бир авлод учун ўзгармас бўлган орзулар ва идеалликни излашга бўлган интилишдир.

Мюзикль спектаклда ўтмишдаги афсона билан бугунги замонавийлик маҳорат билан уйғунлаштирилган.

Асарнинг афсонавий қаҳрамонлари ўз орзуларига ишонган Ассоль ва (“Секрет”) “Сир” кемаси капитани Артур Грей муҳаббати, асрлар оша бизнинг замонда икки ёш Дэн ва Энни муҳаббати билан уйғун ҳолда кўрсатилган.

21 асрда яшаётган икки ёш ҳам, афсонавий аждодлари каби, муаммолар ва тушунмовчиликларга дуч келсалар-да, амалга ошмайдигандек кўринган орзулари амалга ошади ва ҳақиқий муҳаббат уларни тарк этмайди. Аксинча, қизил елканлар ичра, улар билан абадий бирга қолади.

Мюзикль спектакль ўзининг таъсирли ечими билан томошабинни ўзига тортади. Актёрларнинг ижроси, ўзига хос либослар ва декорация, ҳамда замонавий мусиқалардан ҳам ўз ўрнида фойдаланилганлиги мюзикль спектакльнинг муваффақиятини таъминланган деб ўйлаймиз.

Феруза Фаттохова

Саида Вахобова