FATTOHHON.COM
« Все новости 
Мамлакатимизнинг барча ҳудудларидан ташриф буюрган 18-30 ёшли ёш ижодкорлар ўртасида ўтказилаётган “Янги овозлар” телетанловининг дастлабки саралаш босқичининг учинчи кунида Тошкент шаҳри вакиллари ўзаро беллашдилар. Пойтахтда яшаб ижод қилаётган ёшларнинг ижод намуналари нуфузли экспертлар гуруҳи томонидан баҳолаб борилди.
Иштирок этган ёшлар миллий, замонавий эстрада ва бошқа жанрлар ҳамда, чет тилларида қўшиқлар куйлаб, ўз маҳоратларини кенг жамоатчилик олдида синовдан ўтказдилар.
Юртимизнинг таниқли ижодкорларидан ташкил этилган талабчан Ҳакамлар Ҳайъати барча иштирокчиларнинг чиқишларини одилона баҳолади. Ёшларнинг ижрочилик ва артистик маҳорати, репертуари, саҳна маданиятига асосий мезон сифатида ёндошилди.
Телетанловнинг иккинчи босқичи август ойида ўтказилади.
Ёшларнинг овоз имкониятлари ва маҳоратига қойил қолса арзийди. Келажакда бу ниҳоллардан санъат оламидаги муносиб чинорлар етишиб чиқади, деган умиддамиз.
Саида Вахобова
Феруза Фаттохова
Фотолар учун фотограф Умар Комиловга
миннатдорчилик билдирамиз
