FATTOHHON.COM
« Все новости 
8 август куни Шайхонтоҳур туманида “Анҳор-Локомотив” боғининг очилиши бўлиб ўтди! Боғнинг кираверишидаги Аркалардан тортиб, узун йўлаккача гуллар билан безатилиб, ўзгача манзара ҳосил қилди. Мусиқа, анъанавий карнай-сурнай бу очилишга янада байрамона руҳ бағишлади.
Боғга келганларни масхарабозлар, турли эртак ва мультфильм қаҳрамонлари кутиб олишди.
Боғнинг ёзги театрида эса, турли театр тамошалари намойиш қилинди. Болажонларни қувноқ паровоз боғ бўйлаб саёҳатга олиб чиқиши, уларни янада завқлантирди.
Фавворали катта фонтан ҳам, барчанинг эътиборини тортди.
Сувда қайиқларда ёки катамаранларда сайр қилишни истаганлар учун эса, албатта сунъий сув ҳавзаси ҳам бунёд этилган!
Шунингдек, боғ ҳудудида ҳаммани эътиборини тортган жиҳатлардан бири, юртимиздаги энг чиройли ва диққатга сазовор иншоотларининг кичик форматдаги нусалари бўлди!
Тошкент телеминораси,
Шердор мадрасаси (Самарқанд), Калта Минор (Хива), Минораи Калон (Бухоро),
Тошкент курантлари, Темурийлар Давлат музейи ва бошқа бинолар ёнида барча суратга тушиб, уларни суратларга муҳрлашди!
“Афрсиёб” поездининг нусхаси ҳам барчада катта қизиқиш уйғотди!
Албатта, боғдаги аттракционлар ҳам ўзига хос! Айниқса, осмонўпар экстремал акттракцион ҳеч кимнинг эътиборидан четда қолмади!
Боғ ҳудудида яна бир ҳамманинг эътиборини тортган Автодром бўлди! У ерда бемалол пойга ўйнаш ҳам мумкин!
Боғ оилавий дам олишлар учун жуда қулай бўлиб, нафақат ёз, балки қиш ойларида ҳам фаолият кўрсатиш учун мўлжалланган.
Фотолар учун фотограф Умар Комиловга
миннатдорчилик билдирамиз
