FATTOHHON.COM
« Все новости
Юртимиз Мустақиллигининг 25 йиллиги арафасида жуда кўплаб янгиликларга гувоҳ бўлаётганлигимиз сир эмас! Ана шундай кўнгилларга ғурур ва фахр туйғусини бағишлаётган янгиликлардан бири, “Афросиёб” тезюрар поездининг Тошкент-Бухоро йўналиши бўйича йўлга қўйилганлиги бўлди! Мазкур поезд 25 август куни соат соат 08.00 да Тошкент шаҳридан йўлга чиқиб, орадан 2 соат, 8 дақиқа ўтгач, Самарқанд темир йўл вокзалида тантанали кутиб олинди! 10.30 да эса, Самарқанддан йўлга тушиб, 11.40 да Бухорога етиб борди ва у ерда тантанали равишда кутиб олинди! Умумий ҳисоблаганда, энди аввалгидек Тошкентдан Бухорогача 7-8 соатда эмас, “Афросиёб” поезди орқали 3 соат 20 дақиқа давомида етиб бориш мумкин бўлади! Поезднинг Тошкентдан Бухорога илк ташрифида бир гуруҳ санъаткорлар ҳам, поездда Бухорога боришди! Булар санъаткор ва созанда “Сарбон” гуруҳи Фарҳод Саидов, Ўзбекистонда хизмат кўрсатган Дилноза Исмияминова, “Ниҳол” мукофоти совриндори Дилсўз, хонанда Фаррух Раимов ва бошқалар... Шу куннинг ўзидаёқ “Афросиёб” Бухородан Тошкентга қайтди! Эндиликда, бу қулайлик билан Бухородан Тошкентга, Тошкентдан Бухорога бемалол кўп вақт сарфламай, бир кунда бориб келиш мумкин! Тинч ва фаровон юртимиздаги бу қувончли ҳодиса барчани қувонтираётганлиги шубҳасиз!
