FATTOHHON.COM
« Все новости
Ўзбекистонда хизмат кўрсатган артист Самандар Ҳамроқулов бир йўла иккита янги қўшиқни тингловчилар эътиборига ҳавола этиш ҳаракатида! Улардан бири “Дуторим” деб номланиб, Дилшод Аҳмадшо сўзи ва мусиқаси, аранжеровка эса, Аҳлиёрга тегишли. Иккинчиси “Соғиндим, эй гул”деб номланиб, Чархий сўзи, мусиқаси ва аранжеровкаси эса, Нодир Умаровга тегишли.
Хонанда Алишер Рўзметов бир йўла 2 та янги қўшиқ тайёрлади. Биринчиси Хоразмча қўшиқ бўлиб, “Шу гўзал” деб номланган. Иккинчиси эса, шўх ва рақсбоп қўшиқ “Нози” деб номланади. Шунингдек, хонанда янги қўшиғига клип ҳам суратга олдирди. Аммо, бу қўшиқ номини ҳозирча сир тутмоқда.
Хонанда, актёр ва режиссёр Жаҳонгир Позилжонов ҳозирда янги клип суратга олишга тайёргарлик кўрмоқда. Аммо, ҳозирча қайси қўшиққа клип суратга олиниши сир сақланмоқда.
Хонанданинг дўсти, режиссёр ва Жавлон Шодмонов продюсерликдан ташқари, клипмейкерлик билан ҳам шуғулланаётганлиги сир эмас.
Эндиликда, Жаҳонгир Позилжонов ўзининг бу янги клипини кимга суратга олдирар экан, доимий клиплар борасида ҳамкорлик қилиб келаётган клипмейкер Жонрид Сагдиевгами, ёки дўсти Жавлон Шодмоновгами?
Жавлон Шодмоновнинг продюсерлигидаги “Мароканд” гуруҳи эса, “Альфа-Бетта” деб номланган янги қўшиқ ёзишди. Бу қўшиққа ҳам клип суратга олиниши керак. Унга ҳам, клипни ҳозирча ким суратга олиши номаълум. Балки, ҳар икки қўшиққа ҳам Жавлон Шодмовнинг ўзи клип суратга олар?
Саида Вахобова