FATTOHHON.COM
« Все новости 
Ўзбекистонда хизмат кўрсатган артист Сардор Раҳимхон Германиядаги фестивалда “Энг яхши эркак хонанда” сифатида тақдирланди. Аммо, Тақдирлаш маросимида шахсан ўзи иштирок эта олмади.
27-28 август кунлари Германияга, ўша Фестивалга етиб бориши керак бўлган хонанда, Ўзбекистон Мустақиллигининг 25 йиллик айёми олдидан Халқ хизматида эди. Унинг ўрнига мукофотни Гамбургда дўсти хонанда Жонибек Муродов қабул қилиб олди! Бу мукофот хонанданинг 3 сентябрь туғилган кунига ажойиб совға бўлди, аммо, бу қувончли хабар ҳам, нишонланиши керак бўлган туғилган куни ҳам, унинг кўнглига сиғмади...
Кутилмаганда Ўзбек халқи бошига тушган энг катта қайғу, хонанданинг юрагини ҳам ларзага солди! Хонанда қайғусини ижтимоий тармоқлар орқали ҳам билдирди...
Хонанда бу қайғудан ҳалигача ўзига кела олмаган бўлса ҳам, ижодни давом эттирмоқда. Тез орада хонандадан яна бир янгиликни кутиб олишимиз мумкин бўлади.
Сардор Раҳимхон: - Юртбошимиз сўнгги манзилга кетаётиб ҳам, бизларни янада бирлаштириб кетдилар. Ортларидан дуо қилиб, улар орзу қилгандек Бахтли Саодатли, Фаровон ҳаёт кечиришимиз керак! Ахир, Биз уларнинг давомчилари, Буюк Ўзбекистоннинг Бахтли фарзандларимиз! Шундай пайтларда бир-биримизга суянч, далда бўлишимиз керак!
Саида Вахобова