FATTOHHON.COM
« Все новости
ЎЗБЕК МИЛЛИЙ АКАДЕМИК ДРАМА ТЕАТРИДА 102- ИЖОДИЙ МАВСУМ ОЧИЛДИ! 10.09.2016 05:19
Ўзбек Миллий Академик Драма театрида янги 102-ижодий мавсум очилиши, аввалида Ўзбекистон Республикасининг Биринчи Президенти Ислом Абдуғаниевич Каримовнинг ёрқин хотирасига ҳурмат бажо келтирилди.
Ўзбек Миллий Академик Драма театри директори Фатхулла Маъсудов ва бошқа ижодкорлар Мустақилликдан сўнг, юртимиздаги ҳаёт, маданият ва санъат ривожига катта эътибор қаратилганлиги ҳақида ўз фикрларини баён этишди.
Мазкур тадбир Ўзбекистон Республикаси Маданият ва спорт ишлари Вазирлиги, ҳамда “Ўзбектеатр” ижодий ишлаб чиқариш бирлашмаси ҳамкорлигида ташкил этилди.
Мавсум «Алишер Навоий» драмаси билан очилди. Режиссёр Рустам Ҳамидов. Бош ролларни Ўзбекистонда хизмат кўрсатган артист Бекзод Муҳаммадкаримов ва актриса Дилноза Кубаева ижро этишди.