FATTOHHON.COM

Бугун Қозоғистон Президенти Нурсултон Назарбоев Ўзбекистонга ташрифи вақтида Самарқандга келди ва Ўзбекистоннинг биринчи Президенти Ислом Абдуғаниевич Каримов қабрига гул қўйиб, хотирасига ҳурмат бажо келтирди.

Шунингдек, Нурсултан Назарбоев унинг рафиқасига чуқур ҳамдардлик билдирди.

Қозоғистон Президенти Нурсултон Назарбоев ўзбек халқи билан қозоқ халқи ҳамиша елкадош бўлиб келганлиги, шунингдек ўзи ҳам, Ўзбекистоннинг биринчи Президенти билан дўст бўлганлиги, 1998 йили Хожа Аҳмад Яссавий мақбараси олдида абадий дўстлик тўғрисидаги битимни имзолаганлиги ҳамда, уларнинг муносабатлари мазкур битимга асосланганлиги ҳақида айтиб ўтди.