FATTOHHON.COM
« Все новости 
Маълумки, шу кунларда Навоий вилоятида “Ким эдигу ким бўлдик, эртага қандай юксак марраларни эгаллашимиз керак?” мазмунидаги тарғибот тадбирлари ўтказилмоқда. 21 сентябрь куни режага қўшимча равишди Навоий вилоятининг Кармана ҳудудида жойлашган “Қизилқумцемент” АЖ га қарашли дам олиш сиҳатгоҳида ҳам, тарғибот тадбирлари юқори савияда давом эттирилди.
Мазкур тадбирларда Ўзбекистон Халқ артисти, киноактёр Ражаб Адашев, Ўзбекистонда хизмат кўрсатган маданият ходими кинорежиссёр ва актёр Исамат Эргашев, Ўзбекистон Респубдликасида хизмат кўрсатган артистлар Дилфуза Раҳимова, Анвар Ғаниев, эстрада хонандаси Ғайратбек Усмонов, қизиқчи ва сўз устаси Валижон Шамшиев ҳамда бир қатор таниқли санъаткорлар ва эстрада хонандалари, кино ва театр актёрлари, шоир ва ёзувчилар, “Ниҳол” мукофоти совриндорлари жами 200 нафар иштирокчи билан дилдан суҳбатлашдилар.
Пойтахтдан ташриф буюрган таниқли ижодкорлар, маданият ва санъат намояндалари иштирокида ўтган мулоқотлар чоғида истиқлол йилларида юртимизда қўлга киритилган муваффақиятлар, улкан бунёдкорлик ишлари, навқирон авлод камолоти йўлида амалга оширилаётган кенг кўламли ислоҳотлар хусусида сўз юритилди ҳамда сиҳатгоҳда дам олаётган ҳамюртларимиз учун концерт дастурини тақдим этдилар.
Ёшлар маданият ва санъат маркази
Матбуот хизмати
