FATTOHHON.COM
« Все новостиКуни кеча “Олимпия шон-шуҳрати” музейида XV ёзги Паралимпия ўйинлари ғолиб ва совриндорларини тақдирлашга бағишланган маросим ўтказилди.
Тақдирлаш маросимида Ўзбекистон Миллий Олимпия қўмитаси раиси М.Усмонов сўзга чиқиб, ўз фикрларини баён этди.
Cўнг, Ўзбекистон Республикаси Президенти вазифасини бажарувчи Ш.Мирзиёевнинг 2016 йил 19 сентябрдаги Фармойишига биноан, Паралимпия ўйинларининг ғолиб ва совриндорлари, пул мукофотлари, ҳамда барча иштирокчилар Ўзбекистон Миллий Олимпия Қўмитаси ҳузуридаги Олимпиячиларни қўллаб-қувватлаш жамғармаси томонидан сотиб олинган “Malibu” маркали енгил автомобиль билан тақдирландилар.
Тадбирда шунингдек, Ўзбекистон Паралимпия Ассоциацияси раисининг ўринбосари У.Аҳмаджонов, Ўзбекистон Маданият ва спорт ишлари Вазири Б.Аҳмедов, Ўзбекистон Республикаси Бош вазирининг ўринбосари А.Икромов иштирок этишди.
Тадбирда сўзга чиққан Ўзбекистон Халқ артисти Ёқуб Аҳмедов барча спортчиларни юқори муваффақиятлар билан самимий табриклади, ҳамда юртимизда ёшларни ҳар жиҳатдан қўллаб-қувватлаш борасидаги имкониятлар ҳақида ўз фикрларини билдирди.
Шундан сўнг, спортчилардан Ф.Омилова, Ф.Саидов, М.Сахатов Давлатимизда ёшларга қаратилаётган юқори эътибор, ғамхўрлик ва кенг имкониятлар учун, миннатдорчилик билдиришди.
Тадбирда кўплаб спортчилар, ОАВ вакиллари, ҳамда Ўзбекистон Халқ артистлари иштирок этишди.
Эслатиб ўтамиз, 7-18 сентябрь кунлари Бразилиянинг Рио-де-Жанейро шаҳрида ўтказилган XV ёзги Паралимпия ўйинларида, спортчиларимиз Ватанимиз шарафини муносиб ҳимоя қилиб, 8 олтин, 6 кумуш ва 17 бронза медални қўлга киритишган эди.
Олтин медаллар
1. Шерзод Намозов - дзюдо (60 кг)
2. Ўткиржон Неъматов - дзюдо (66 кг)
3. Ҳусниддин Норбеков - диск улоқтириш
4. Одил Туландебаев - дзюдо (100+ кг.)
5. Фотимахон Омилова - брасс усулида сузиш (100 м.)
6. Фирдавсбек Мусабеков - брасс усулида сузиш (100 м.)
7. Александр Свечников - найза улоқтириш
8. Нозимахон Қаюмова - найза улоқтириш
Кумуш медаллар
1. Кирилл Панков - баттерфляй усулида сузиш (100 м.)
2. Муслима Одилова - баттерфляй усулида сузиш (100 м.)
3. Хайтжон Алимова - дзюдо (70+ кг.)
4. Фотимахон Омилова - комплекс усулда сузиш (200 м.)
5. София Бурхонова - ядро улоқтириш;
6. Муслима Одилова - эркин усулда сузиш (50 м.)
Бронза медаллар
1. Севинч Салаева - дзюдо (62 кг)
2. Музаффар Турсунхўжаев - баттерфляй усулида сузиш (100 м.)
3. Фотимахон Омилова - баттерфляй усулида сузиш (100 м.)
4. Турсунпошша Нурматова - дзюдо (63 кг.)
5. Феруз Сайидов - дзюдо (73 кг.)
6. Сервер Ибрагимов - пистолетда 10 м.га ўқ отиш
7. Ширин Шарипов - дзюдо (100 кг.)
8. Шуҳрат Бобоев - дзюдо (90 кг.)
9. Гулруҳ Раҳимова - дзюдо (70 кг.)
10. Шоҳсанам Тошпўлатова - комплекс усулда сузиш (200 м.)
11. Дониёр Солиев - узунликка сакраш
12. Аҳрор Бозоров - паурлифтинг (80 кг.)
13. Дмитрий Хорлин - эркин усулда сузиш (400 м.)
14. Ўзбекистон терма жамоаси - 4х100 метрга югуриш бўйича жамоавий эстафета
15. Ҳусниддин Норбеков - ядро улоқтириш
16. Музаффар Турсунхўжаев - эркин усулда сузиш (50 м.)
17. Шоҳсанам Тошпўлатова - эркин усулда сузиш (50 м.)
Саида Вахобова
Феруза Фаттохова
Фотограф: Умар Комилов