FATTOHHON.COM
« Все новости 
Ашхобод шаҳрида ўтказилаётган “Ўзбек киноси кунлари” иштирокчиларда катта таассурот қолдирди.
Мазкур маданий тадбир ҳақидаги дастлабки таассуротлари билан актриса Шаҳзода Матчонова: -
Ашхабодда ўтказилаётган “Ўзбек киноси кунлари”да иштирок этаётганимдан жуда ҳам мамнунман. Биринчидан, мен анчадан бери бу гўзал шаҳарни кўришни ният қилиб юрган эдим. Иккинчидан, қардош туркман халқини бизнинг мамлакат билан ўзаро дўстлик ришталари боғлаб туради. Мазкур дўстона алоқалар ва муносабатларни янада мустаҳкамлаш учун шу каби маданият, санъат ва кино йўналишидан тадбирларни анъанавий тарзда ўтказиб туриш зарур, деб ўйлайман.
Мен шундай тадбирларнинг бирида, ўзбек актрисаси сифатида қатнашиб, юртимизда ишлаб чиқарилган миллий фильмлар туркман аҳлига манзур келаётганидан жуда ҳам хурсандман. Кинозалдаги томошабинлар, айниқса ёшлар бизнинг фильмларни қарсаклар билан кутиб олишаётганлигини кўриш, ёқимли ҳолат. Шундан келиб чиқиб, бугун фестивалнинг ёпилиш маросими ҳам, юқори даражада ўтади, деб умид қиламан.
