FATTOHHON.COM
« Все новости 
Куни кеча хонанда “Ниҳол” мукофоти совриндори Адҳам Солиев Хумсон қишлоғи, Олмосқоя масканида “Бетакроримсан ўзинг” деб номланган Ижодий кеча ўтказди.
Мазкур ижодий кечада унинг санъаткор дўстлари, яқинлари иштирок этишди.
Жумладан, Ўзбекистон ва Қорақалпоғистон Халқ артисти Озодбек Назарбеков,
Ўзбекистонда хизмат кўрсатган артистлар Яҳё Мўминов, Тўлқин Жабборов, Махсет Утемуратов, хонандалар Анвар Санаев, Сардор Мамадалиев, актриса Зуҳра Солиева, сўз устаси “Ҳандалак” гуруҳи аъзоси Зокир Очилдиев, сўз устаси Аваз Охун, Comedy Uz дан Олим ака ва бошқалар...
Режиссёр “Замин” студияси раҳбари Саъдулла Абдуллаев.
Шунингдек, кечада томошабин меҳмонлар ҳам кўп эди.
Кеча давомида Адҳам Солиев ўз ижодидан кўплаб қўшиқлар куйлади.
Шунингдек, актриса Зуҳра Солиева билан биргаликда ҳазиломуз дуэт куйлаб, унга мос саҳна кўриниши ҳам намойиш қилишди.
Адҳам Солиев ижодий кеча давомида “Она” қўшиғини куйлаб, сўнг, аввал концертлар давомида сира онасига гул тақдим этмаганлигини, бунинг сабаби, волидасининг ўзи, буни ҳоҳламаганини айтиб ўтди. Аммо, шундай бўлса ҳам, бу сафар томошабинлар орасида ўтирган Волидаи муҳтамасига гуллар тақдим қилди.
Кеча давомида сўз устаси Зокир Очилдиев, Аваз Охун, Олим ака, ўзларининг қизиқарли номерлари билан иштирок этишди.
Ижодий кеча қизиқарли ва файзли ўтди.
Саида Вахобова
Феруза Фаттохова
Фотолар: Фотограф Озод Жамол
