FATTOHHON.COM
« Все новости 
Лола “Беном” гуруҳи ижодкорлари Сарвар ва Комил билан ҳамкорликда ишлаётганлиги сир эмас. Уларнинг ҳамкорлигидаги янги қўшиқ “Билмайсан” деб номланади. Бу қўшиқ сўзлари “Уммон” гуруҳи хонандаси Зоҳид томонидан ёзилган.
Бу илк бор Лоланинг ўзи бастакорликни амалга оширган тарона! Ўзига хос дардли, аёл сабри, матонати акс этган ва юракдан куйланган қўшиқ 7 ноябрь куни премьера бўлиши кутилмоқда!
Лола мазкур таронага видеоклип ҳам суратга олдирди!
Клип режиссёри Санжар Маткаримов, оператор Рустам Муродов.
Бош қаҳрамон аёл ролини Лоланинг ўзи маҳорат билан ижро этди. Ҳаттоки, ёмғир саҳнаси учун бир неча соат совуқ ёмғир остида роль ижро қилган хонанданинг ўз касбига бўлган меҳри ва садоқатига тан берса арзийди!
Аммо, бош қаҳрамон йигит ким? Алими ёки бошқа йигит?
Ижодий гуруҳ клипда барчасини аниқ намоён этдию, аммо 10 секундни, воқеанинг ечимини мавҳум қолдирди!
Кутилган, аммо жавобсиз муҳаббат, аёл дарди, қалб ҳайқириғи!
Лола клипдаги энг таъсирли лавҳалар ҳақида шундай дейди: - Фарзандларим мендан, “ойи, нима учун сиз ерда ўтирибсиз ва сизга нима бўлди?” деб сўрашганда, мен “бу қалб ҳайқириғи” дея, жавоб қайтардим.
Клип тез орада тайёр бўлиши кутилмоқда!
7 ноябрь куни эса, “Билмайсан” таронаси премьерасини ўтказиб юборманг!