FATTOHHON.COM

Ўсиб келаётган ёш авлоднинг тафаккурини бойитиш ва мустаҳкамлаш, уларнинг санъатга бўлган муҳаббатини кучайтириш, ўзбек миллий театр санъати, томоша ва суҳандонлик тарихи асослари ҳамда ютуқларини ёшлар қалбига чуқур сингдириш, жаҳон андозалари асосида замонавий таълим-тарбия бериш, Республикамизда маданий-маърифий ва ижодий-бадиий соҳаларда эришилаётган ютуқларни кенг тарғиб этиш мақсадида Ёшлар маданият ва санъат Марказида “Ёшлар театр студияси” лойиҳаси ташкил этилган эди.

Жорий йилнинг 7 ноябрь санасида  “Ёшлар театр студияси” лойиҳаси учун янги иштирокчилар сараланиб олинди. Малакали мутахассислар ҳамроҳлигида 100 нафардан зиёд ёшлар орасидан 20 нафар ёш истеъдод эгалари, театр санъати йўналишидан бепул билим олиш ва машғулотларда иштирок этиш имкониятига эга бўлдилар.

Лойиҳа аъзолари 9 ноябрдан дарсларни бошлайдилар.

Ёшлар маданият ва санъат маркази

Матбуот хизмати