FATTOHHON.COM
« Все новости27-ноябрь куни Нью Йоркда “Big Apple Music Awards 2016” - 12-халқаро мусиқали тақдимотнинг ғолибларини тақдирлаш маросими ўтказилди. Мазкур тақдимотда Россиядан Вера Брежнeва, Олег Газманов, Яқин шарқдан Haifa, Andy, Европада шуҳрат қозонган Faydee, La Toya Jackson ва бошқалар иштирок этиб, ғолибликни қўлга киритдилар.
Ана шундай машҳур хонандалар ичида ҳамюртимиз, “Шуҳрат” медали соҳибаси хонанда Шаҳзоданинг иштироки, ҳамда ғолиблар қаторидан жой олганлиги жуда ҳам қувончли! 27-ноябрь куни узрли сабабларга кўра, Шаҳзода мазкур маросимда иштирок эта олмади.
Бироқ, ташкилотчилар энг кўп овоз тўплаган ижодкорлар қаторида хонанда Шаҳзодани ҳам ғолиб деб эълон қилиб, “BIG APPLE MUSIC AWARDS 2016” соврини соҳибаси бўлганини айтиб ўтишди!
Шахзодани ўзининг бу ютуғи билан ўзбек санъатини жаҳонда янада юксалишига ўз ҳиссасини қўшиб, юртимиз шарафини муносиб ҳимоя қилди. Биз Шахзодани бу муваффақият ва ютуқ билан чин дилдан табриклаймиз!