FATTOHHON.COM
« Все новости
«Янги овозлар» телетанловининг навбатдаги саралаш босқичини ташкил этиш, уларнинг маҳоратини ошириш, навбатдаги босқичнинг шартлари ҳамда, ижодий лойиҳа юзасидан келгусидаги режалар борасида, Лойиҳанинг санъаткорлар, режиссёр, шоирлар, бастакор ва ижодкорлардан иборат Экпертлар гуруҳининг ижодий муҳокамаси бўлиб ўтди.
Унда навбатдаги саралаш босқичи борасидаги режалар, навбатдаги саралаш босқичи шартлари, шунингдек, иқтидорли ёшларга мос қўшиқлар яратиш, уларнинг келажакдаги ижодини ривожлантириш борасидаги таклифлар муҳокама қилинди.
Ўзбекистон ва Қорақалпоғистон Халқ артисти Озодбек Назарбеков,
режиссёр, “Замин” студияси раҳбари Саъдулла Абдуллаев,
Ўзбекистонда хизмат кўрсатган артист Равшан Намозов,
“Ниҳол” мукофоти совриндори Адҳам Солиев,
хонанда Муниса Ризаева ва бошқалар танловнинг навбатдаги саралаш босқичлари ҳақида, ўз таклиф ва мулоҳазаларини билдиришди. «Янги овозлар» телетанловининг асосий мақсади, мамлакатимиздаги ёшларнинг хонандалик йўналишидаги истеъдодини намоён этиши учун ижодий майдон ва муҳит яратиш, уларнинг маҳоратини ошириш, жаҳон ва ўзбек миллий хонандалиги анъаналарини тарғиб қилиш ва ривожлантириш, янги маҳоратли овоз соҳибларини, шунингдек, турли жанрлар ва чет тилларида куйлай оладиган ёш истеъдодларни излаб топиш ҳамда, уларни профессионал санъатга жалб этишдан иборатдир.
Бу лойиҳа иқтидорли ёшларнинг миллий санъатимизга бўлган меҳрини кучайтириш, мусиқа орқали уларда Ватанга муҳаббат, миллий истиқлол ғоясига садоқат, миллий анъаналаримиз ва қадриятларимизга чексиз ҳурмат, буюк аждодларимизга бўлган ҳурмат ва фахр, келажакка бўлган ишонч туйғуларини мустаҳкамлашда муҳим аҳамият касб этади.
Саида Вахобова
Феруза Фаттохова
