FATTOHHON.COM

13 декабрь куни “Ёшлар ижод саройи”да “PROlogue” ёш киноижодкорлар томонидан суратга олинган қисқа метражли фильмлар II Республика фестивалининг очилиш маросими бўлиб ўтди.

Унда “Ўзбеккино” Миллий агентлиги Бош директори Отабек Мусаев, фестиваль Ҳакамлар ҳайъати ва Саралаш комиссияси аъзолари, таниқли киноижодкорлар, фестиваль ташкилотлари ҳамда оммавий ахборот воситалари вакиллари иштирок этишди, ҳамда сўзга чиқиб, ўз фикрларини билдиришди.

Очилиш маросимидан сўнг, фестиваль буюртмасига асосан, “Қорақалпоғистон” киностудияси томонидан суратга олинган “Устюртга йўл” бадиий фильми тақдимоти бўлиб ўтди. Сўнг, соат 15.00 да “Ўзбекфильм” киностудиясида суратга олинган “Зурриёт” бадиий фильми намойиши ва муҳокамаси бўлиб ўтди.

Саида Вахобова