FATTOHHON.COM
« Все новостиКуни кеча «Ўзбеккино» Миллий агентлигининг буюртмаси билан “Қорақалпоқфильм” киностудияси томонидан суратга олинган “Устюртга йўл” бадиий фильмининг премьераси бўлиб ўтди!
Премьера олдидан анъанага кўра, мусиқий қисм бўлиб, яъни хонанда Мадина Мумтоз ўзининг шўх қўшиқлари билан томошабинларнинг кайфиятларини янада юқори кўтарди.
Сўнг, фильм ижодкорлари саҳнага таклиф этилдилар.
Фильм режиссёри Абдувоҳид Ғаниев.
Бош ролларда Акбархўжа Расулов, Адиз Ражабов, Шаҳзода Матчанова, Наргиза Салмонова, Кўпжўрсин Алланазаров ва бошқалар...
Премьера олдидан “Ўзбекфильм” киностудияси директори, режиссёр Ҳилол Насимов сўзга чиқиб ўз фикрларини билдириб ўтди.
Шунингдек, фильм режиссёри Абдувоҳид Ғаниев ҳам ўз фикрларини билдириб, ижодий гуруҳга миннатдорчилик билдирди.
“Устюртга йўл” бадиий фильмида бир гуруҳ ёшлар ҳаёти ва фаолияти мисолида, Қорақалпоғистон Республикасининг Қўнғирот туманидаги Устюрт газ-кимё мажмуи қурилиши жараёнлари ҳақида ҳикоя қилинган.
Фильмнинг тасвирга олиш ишлари Қорақалпоғистон Республикаси, Хоразм вилояти, Тошкент шаҳри, ва Жанубий Кореянинг Сеул шаҳрида амалга оширилган.
Олий ўқув юртини тамомлаган ёш, истеъдодли мутахассислар, Устюрт газ-кимё мажмуи қурилишида иштирок этиш учун Устюртга йўл оладилар. Улар бу ерда ишлаш, завод қурилиши жараёнларида жиддий синовларни бошдан кечиришса ҳам, ортга чекинишмайди. Ўз олдиларига мақсад қўйиб, астойдил интиладилар, ҳамда ўз мақсадларига эришадилар.
Фильм 21 декабрдан юртимиз кинотеатрларида намойиш қилинмоқда!
Саида Вахобова
Феруза Фаттохова