FATTOHHON.COM
« Все новости 
“Истиқлол” санъат саройида 22 декабрь куни таниқли шоу бизнес вакиллари, хонандалар иштирокида “Тарона шоу” гала-концертининг биринчи куни кўтаринки руҳда бўлиб ўтди. Бу қувноқ ва байрамона кайфиятда ўтган шоу-концертни “Ўзбегим Таронаси” радиоси бошловчилари Дилмурод Ғуломов ҳамда, Раъно Алимова ўзига хос тарзда олиб боришди!
Концертнинг биринчи кунида Ўзбекистонда хизмат кўрсатган артистлар Улуғбек Раҳматуллаев, Райҳон, Сардор Раҳимхон, Зиёда, “Шуҳрат” медали соҳиби Жаҳонгир Позилжонов, хонандалар “Беном” гуруҳи ижодкорлари Сарвар ва Комил, Лола, Шохруххон, "Шуҳрат" медали соҳибаси Манзура, хонандалар Умидахон, Шаҳриёр, “Виа Мароканд” гуруҳи, “Шарқ” гуруҳи ва бошқалар ўзларининг йил давомида хитга айланган ажойиб қўшиқлари билан томошабинларни кайфиятларини янада кўтардилар.
Қўшиқларга уйғунлашган турли рақслар, Янги йил ҳазиллари, барчаси концертга ҳақиқий байрамона шукуҳ бағишлади!
Саида Вахобова
