FATTOHHON.COM
« Все новостиFattohhon.com сайти раҳбари Феруза Фаттохова ва мен, 30 мартни интервьюлар билан бошладик.
Биринчи бўлиб, эрталаб “Тошкент” радиосининг “Фильм тугади” эшиттириши учун, муаллиф ва журналист Шоира Юнусовага берилган интервьюдан сўнг, NNT телеканалининг “25 КАДР” кўрсатувига таклиф қилиндик.
“25 КАДР” кўрсатувининг суратга олиш ишлари ҳар доимгидек қизиқарли ва баҳсли кечди.
Бугунги кундаги суратга олинаётган фильлар ҳақида ўз шахсий фикрларимизни билдирдик.
Кўрсатув муаллифи, журналист, продюсер ва киношунос Феруза Нодирова ғоясига кўра, бугунги кун ўзбек киноси, ундаги камчиликлар ҳамда, ҳозирда катта экранга чиқарилиши мўлжалланаётган фильмлар ҳақида лавҳалар суратга олинди.
Кўрсатувда шунингдек, 6 апрелдан катта экранларда намойиш этилиши кутилаётган режиссёр Саид Мухторовнинг “Хазон” фильми (сценарий ва муаллифлари Феруза Фаттохова ва Саида Вахобова) ҳақида ҳам сўз юритилди ва мазкур фильм қаҳрамонларидан актриса Шаҳзода Муҳамедова ҳамда бош роль ижрочиси Шохрух Ёдгоровлар ҳам иштирок этиб, ўз фикрларини билдиришди. “25 КАДР”НИНГ НАВБАТДАГИ СОНИНИ ЎТКАЗИБ ЮБОРМАНГ! Саида Вахобова
