FATTOHHON.COM
« Все новости
“Discovery” мусиқий магазинида Нилуфар Усмонованинг янги “Арслоним” мусиқий альбомини ОАВ вакиллари учун тақдимоти бўлиб ўтди.
Альбом тақдимотида хонанда, тақдимотни тантанали равишда ўтказилмаганлигининг сабаби, ҳозирги ҳолати, ҳомиладорлиги ва фарзанд кутаётганлиги эканлигини айтиб, навбатдаги яна бир янги альбоми ҳам деярли тайёр эканлигини, уни ўзгача ўтказиш ниятида эканлигини ҳам билдириб ўтди.
Шунингдек, хонанда янги альбом ва ундан жой олган қўшиқлари ҳақида ҳам батафсил маълумот берди.
Нилуфар Усмонова: -Мусиқий альбомимиз тайёр бўлиб, уни фақат чиқариш қолган эди. Бу мусиқий альбомни чиқаришга мухлисларга бир ярим йил аввал ваъда бергандим. Тингловчиларга маъқул бўлади, деб ўйлайман. Альбомни “Арслоним” деб номладик, ўзи аввал “Кел иккимиз” деб номламоқчи эдик. Аммо, у чиройли қўшиқ ўз тарихига эга, 11 йиллик муҳаббат қиссаси! Шунинг учун ҳам, альбомга сал бошқачароқ ёндошишни маъқул кўрдик. “Арслоним”, бу ҳар битта аёл, ҳар бир она, ҳар битта қиз, ўз отаси, акаси, ўғли, умр йўлдошини “Арслоним” деб, шундай кўргиси келади. Шунинг учун ҳам, янги альбомимизга шундай ном қўйдик!
Альбомдан жами 17 та, жумладан, “Кел иккимиз”, “Арслоним”, “Баҳор”, “Ёнимда”, “Ҳасрат”, “Энг гуллаган ёшлик чоғимда”, “Чин севаман” каби юракка яқин қўшиқлар, ҳамда рус тилидаги “Человек” ва инглиз тилидаги “Hot night” қўшиқлариўрин олган.
Тақдимотдан сўнг, Нилуфар Усмонова билан мусиқий альбом ҳақида қисқача суҳбатлашдик:
- Бу альбомдан ўзингиз учун энг юракка яқин қўшиқ қайси бўлди?
- “Арслоним”, “Ёнимда”, “Ҳасрат” (Улуғбек Холиқов билан дуэт), “Кел иккимиз” қўшиқлари!
- Айнан дуэтдош сифатида Улуғбек Холиқов билан куйлаганингиз сабаби? Чунки, дуэтларингиз кўп эмас.
- Бу қўшиқ аввал куйланган, Онам Юлдуз Усмонованинг қўшиғи, асли. Менга бу хонандани овози ҳам мос тушган. “Ҳасрат” чиндан ҳам жуда чиройли қўшиқ.
- Бу альбомингизга киргазилмай қолган қўшиқлар ҳам бўлдими?
-“Дадасининг қизи” ва Gipsу Kings гуруҳи солисти Manolo y los Gipsy билан биргаликда куйлаган “Bailа soledad” қўшиқларим, бу альбомга киритилмади, аммо кейинги янги альбомимдан жой олган. Унинг тақдимотини тантанали қилиб ўтказамиз.
“Арслоним” мусиқий альбомини “Discovery” мусиқий магазинларидан харид қилишингиз мумкин.
Саида Вахобова
Феруза Фаттохова
