FATTOHHON.COM
« Все новости 
Тошкент вилоятида ҳам миллий қадриятларимиз кенг тантана қилинадиган Наврўз айёмининг тинч-осойишта ва кўтаринки руҳда ўтиши учун пухта тайёрлик кўрилди. Кенг кўламли ободонлаштириш ишлари, умумхалқ ҳашарлари уюштирилиб, ҳар бир ҳудуд байрамона тусда безатилди.
Вилоятнинг Наврўз байрамига бағишланган асосий байрам тантаналари, Ўрта-чирчиқ туманида жойлашган вилоят Маданият саройида бўлиб ўтди. Вилоят ҳокими Ш.Бабаев сайлга ташриф буюрганларга йўллаган байрам қутловига мусиқий байрам дастури уланиб кетди.
Наврўз сайлида “Ўзбекнаво” эстрада бирлашмасидан Ўзбекистон Халқ артисти Насиба Абдуллаева, Ўзбекистонда хизмат кўрсатган артистлар Тошпўлат Маткаримов,
Улуғбек Раҳматуллаев,
Райҳона Ганиева, Алишер Файз,
эстрада хонандаларидан Муниса Ризаева, Жаҳонгир Отажонов, Шохруҳхон ва бошқа кўплаб хонанда ва фольклор рақс жамоалари иштирок этишди.
Тантаналар кўтаринки руҳда ўтди.
“Ўзбекнаво” Эстрада Бирлашмаси
Матбуот хизмати
