FATTOHHON.COM
« Все новости 
Тинч ва фаровон юртга қувончли кунлар, байрамлар, концертлар ярашади! Ўзбекистон ва Қорақалпоғистон Халқ артисти Озодбек Назарбековнинг водий бўйлаб, бу йил ҳисобидан илк гастроль концерти 23 март куни Андижон Амфитеатрида бўлиб ўтди.
Наврўз байрамидан сўнг, Санъаткорни ҳар йилги концертларини соғинган томошабинлар учун бу концерт, ҳақиқий байрамга айланиб кетди!
Санъаткор бу йил “Истиқлол” санъат саройида концерт бермаётган бўлса ҳам, вилоятлар бўйлаб гастроль концерт дастурлари ўтказмоқда, ҳамда бу концертлар унинг Тошкент шаҳридаги концертларига кела олмаган мухлислари учун айни муддао бўлмоқда!
Бундай гастроль концертлари ўтказилишидан асосий мақсад ҳам, Тошкентдаги концертларга кела олмаган инсонларни, янги ва севимли қўшиқлардан баҳраманд этишдир.
Бу галги концертда ҳам, томошабинлар Санъаткорни олқишлар билан кутиб олишди!
Концерт давомида Санъаткор томонидан кўплаб янги ва севимли қўшиқлар ижро қилинди!
Жумладан, Бобур ғазалларини замонавий оҳангларга солиб, куйланган қўшиқлар, Атоий ғазали билан “Вақти бўлди” ва бошқа кўплаб қўшиқлар тингловчиларга манзур бўлди!
Озодбек Назарбековнинг концерт дастурларида янграётган қўшиқлари ҳеч кимни бефарқ қолдирмайди, таъсирли қўшиқлар вақти томошабинлар кўзларига ёш олишса,
шўх қўшиқларга берилиб рақсга тушишади!
Чунки, Санъаткор ҳар бир қўшиқни юракдан куйлайди! Юракдан куйланган қўшиқлар эса, албатта тингловчилар юрагига етиб боради!
Концертдан фото ва видеолар учун Фаррухбекка
миннатдорчилик билдирамиз
КОНЦЕРТДАН ВИДЕОЛАРНИ КЎРИШ УЧУН!