FATTOHHON.COM
« Все новости 
11 апрелдан 13 апрелга қадар Тошкент шаҳрида “Туркман киноси кунлари” бўлиб ўтмоқда. Мазкур тадбир Туркманистон Республикаси Президенти Шавкат Мирзиёевнинг 2017 йил 6-7 март кунлари Туркманистон Республикасига Давлат ташрифи мобайнида имзоланган “Ўзбекистон Республикаси Ҳукумати ва Туркманистон Республикаси Ҳукумати ўртасида 2017-2019-йилларда маданий-гуманитар соҳалардаги ҳамкорлик Дастури”га асосан ташкил этилди.
Туркман киноси кунларининг тантанали очилиш маросими 11 апрель соат 18.00 да Алишер Навоий киносаройида бўлиб ўтди. Мазкур тадбирда иштирок этиш учун туркманистонлик киноижодкорлардан иборат делегация юртимизга ташриф буюрди.
Мазкур маросимда сўзга чиққан «Ўзбеккино» миллий агентлиги бош директори Отабек Мусаев ва бошқа киноижодкорлар мамлакатларимиз ўртасидаги муносабатлар барча соҳалар билан биргаликда маданият ва санъат йўналишида ҳам ривожланиб бораётганлигини айтиб ўтишди.
«Ўзбеккино» миллий агентлиги ва «Туркманфильм» бирлашмаси ҳамкорлигида ташкил этилган кино кунлари давомида “Ат-мират”, “Махтумқули”, «Копетдағ – аскарнинг орзуси», «Сайис», «Қумли келин қўшиқлари», «Муҳаббат мероси» каби фильмлар намойиш этилади. Мазкур фильмлар воқеалари, қаҳрамонларнинг ҳис-туйғу ва кечинмалари ҳам, ўзбек томошабинларига бегона эмас, чунки Ўзбек халқи ва Туркман халқининг асрий урфу одатлари, орзу-умидлари ҳам муштарак. Миллий мерос, анъаналарга бўлган чексиз ҳурмат ҳамда, инсонийлик туйғулари ҳар икки халқнинг ҳам, юрагидан чуқур жой олган.
Саида Вахобова
ТУРКМАН КИНОСИ КУНЛАРИНИНГ ОЧИЛИШ МАРОСИМИДАН ВИДЕО!