FATTOHHON.COM

УСТОЗ САНЪАТКОР ШЕРАЛИ ЖЎРАЕВНИНГ 70 ЁШЛИ ЮБИЛЕЙ ОҚШОМИДАН! ФАЗОГИРНИНГ ТАШРИФИ... 14.04.2017 10:03

Ўзбекистон Халқ артисти “Алишер Навоий” Давлат мукофоти соҳиби устоз санъаткор Шерали Жўраев, 13 апрель куни ўзининг 70 ёшли юбилейини дўстлар, қадрдонлар, ҳамкасблар даврасида “Версаль” ресторанида нишонлади.

Бир неча Давлат Халқ артистлари бўлган устоз санъаткорлар Фаррух Зокиров,

Ортиқ Отажонов,

Бобомурод Ҳамдамов,

шунингдек, Ўзбекистон ва Қорақалпоғистон Халқ артисти Озодбек Назарбеков,

Ўзбекистон Халқ артистлари Муножот Йўлчиева,

Гулсанам Мамазоитова,

Ўзбекистонда хизмат кўрсатган артистлар Ҳосила Раҳимова, Юлдуз Турдиева,

Зиёда,

актриса Ҳалима Ибрагимова ва бошқа кўплаб санъаткорлар, ижодкорлар Ҳофизни табриклаб, ўз самимий тилаклари ва қўшиқлари билан даврага янада файз киритдилар.

Кечани устоз сухандонлар Раъно Жўраева, Муслимбек Йўлдошевлар билан бирга, Фатхулла Масъудов, Нилуфар Сотиболдиева, Анвар Азимов олиб боришди.

Санъаткорни ресторан фойесининг ўзидаёқ табриклаётганларнинг, совға ва кийдирилган тўнларнинг саноғи бўлмади.

Кеча давомида санъаткорлар ўзларининг энг сара қўшиқларидан ижро қилдилар.

Улардан бир нечталари айнан Ҳофизга бағишланган қўшиқларини ҳадя этиб, ижро қилишди.

Кеча давомида барча санъаткорлар фақат жонли ижрода куйлашди!

Ҳофизнинг дўсти Тожикистон Халқ артисти санъаткор Жўрабек Муродов, шунингдек, санъаткорнинг қардош Республикалардан ва Туркиядан ҳам ҳамкасб дўстлари ташриф буюришди ва ўзларининг санъат намуналарини тақдим этишди.

Шунингдек, Ҳофизни табриклаш учун Марказий Осиёдан илк фазога учган фазогир Солижон Шарипов ҳам, ташриф буюрди ва Ҳофиз уни “менинг қўшиқларим шу инсон туфайли самода жаранглаган” дея, саҳнага таклиф этди!