FATTOHHON.COM
« Все новости 
27 май куни соат 19:00да «Истиқлол» санъат саройида Грузиянинг «Эрисиони» Давлат Академик халқ қўшиқлари ва рақс Ансамблининг ажойиб этно-шоу концерти бўлиб ўтади. Ушбу тадбир Ўзбекистон Республикасида ўтказиладиган Грузин маданияти кунларига бағишлаб ташкил этилади.
Грузин тилида «Эрисиони» сўзи, «улуғвор» маъносини билдиради. Ансамбль 1885 йилда ташкил топган бўлиб, бугунга келиб, дунёдаги энг кенг миқёсли «этно» услубидаги лойиҳалардан бири ҳисобланади.
Ансамбль артистлари Париж, Мадрид, Нью-Йорк, Афина, Женева, Москва ва Сингапурда ҳам машҳурликка эришган.
Унда 70дан зиёд артистлар энг қийин акробатик элементларни бажариб, нафақат рақсга тушишади, балки уникал грузин анъаналаридан фойдаланган ҳолда жонли ижрода куйлашади ҳам!
Бундан ташқари, раққослар дунёда кам сонли рақс усталарига маълум бўлган «тойпойнт» – оёқ учига кийиладиган юмшоқ терили балет туфлисида ўйнаш санъати услубини ҳам эгаллаган.
Шоу ўзининг қамрови ва тўлалиги билан уникал. Унда бир пайтнинг ўзида грузин миллий либосларидаги юзлаб артистлар иштирок этади. Концертда жонли мусиқадан фойдаланилади.