FATTOHHON.COM
« Все новости 
6 май куни “Арслон изидан” фильмининг ОАВ вакиллари учун ёпиқ премьераси бўлиб ўтди. Бу фильм бутун дунёдаги долзарб муаммо, давр фожеасига айланиб бораётган терроризм, гиёҳвандлик ва одам савдосига бағишланган. Бу фильмнинг мазкур мавзуларда суратга олинган фильмлардан фарқли жиҳати, эндиликда, бу мавзулар ёш ижодкорлар нуқтаи назарида талқин этилган.
Фильмни суратга олиш ишлари Ўзбекистондан ташқари, Туркия, Дубай, Россия ва Қозоғистонда ҳам суратга олинган.
Режиссёр: Азиз Раметов
Фильм продюсери: Ўзбекистонда хизмат кўрсатган артист Саида Раметова
Фильмда роль ижро этганлар: Азиз Раметов, Ўзбекистонда хизмат кўрсатган артист Жумадилла Раметов, Нуруллоҳ Жумаев, Алихан, Рустам Рихсибеков, Жалил Мавлонов, Бекзод Тожиев, Улуғбек Қодиров ва бошқалар...
Намойишдан сўнг, журналистлар ва фильм ижодкорлари, фильм ҳақида ўз фикрларини билдиришди.
Азиз Раметов фильмнинг суратга олиниши билан боғлиқ бўлган қизиқарли воқеа ҳақида айтиб, шунингдек фильм юзасидан журналистларнинг саволларига ўринли жавоб қайтарди.
Саида Раметова ҳам фильм продюсери, ҳам она сифатида Азиз Раметовни аввалига бундай жиддий мавзудаги фильмга қўл урганлигидан ҳайрон бўлганлигини, шунингдек, аммо, ўғли ишончни оқлаганлиги ҳақида ҳам ўз фикрларини баён этди.
Азиз Раметов, фильм қаҳрамонларининг характерлари ҳақида тўхтатилиб ўтар экан, фильм стратегияси шундай бўлганлигини, фильмдаги қаҳрамонлар бир-бирларидан фарқ қилишини айтиб ўтди.
Шунингдек, фильмда ўша қаҳрамонларни нима учун бундай фаолият билан шуғулланиши, бунга нима сабаб бўлганлиги, ҳамда уларнинг оиласи, келиб-чиқишлари мавҳум бўлганлиги ҳақидаги саволларга эса, аслида фильм қисқартирилганлиги, яъни 5 йил давомида фақат битта шу фильм суратга олинмаганлиги, олдинда яна бир фильм яъни “Арслон изидан: Муқаддима” фильмини ҳам намойиш этиш нияти борлиги, бу фильмда бугунги “Арслон изидан” фильми қаҳрамонларининг келиб чиқишлари тўлиқ тасвирланганлигини айтиб ўтди. Шунингдек, Саида Раметова бу фильмнинг суратга олинган қисмлари асосида 20 серияли сериал ҳам, тайёрлашларини маълум қилди.
Фильм баҳс-мунозараларга сабаб бўлди.
Саида Вахобова
Феруза Фаттохова
Фотолар Муҳаммадали Юнусбоев
