FATTOHHON.COM
« Все новости 
Ўзбекистон ва Қорақалпоғистон Халқ артисти Озодбек Назарбековнинг “Жалолиддин Мангуберди” клипининг суратга олиш ишлари учун жараён бошланди!
Жиззахда декорация қуриш ишлари аллақачон бошлаб юборилди!
Озодбек Назарбековнинг ўзи ҳам, 7 май таваллуд кунини айнан шу ерда, суратга олинадиган янги клип режиссёрлари “9999” студияси Хуршид ва Нодир Собировлар, ҳамда продюсери Илёс Дадабоев билан биргаликда нишонлади!
Қурилаётган декорация салобати ва амалга оширилаётган иш ҳажмидан қўл урилган клип, катта масштабда суратга олинадиган ўзгача тарихий клип бўлиши кутилмоқда!
Озодбек Назарбековнинг “Жалолиддин Мангуберди” қўшиғини бундан бир неча ой аввал тинглаганимизда, қўшиқ руҳиятидан ҳамда, Санъаткорнинг сўзларидан ҳам, бу қанчалик кучли мазмундаги ва катта масштабдаги клип бўлиши маълум эди! Клип мазмунидан бохабар бўлсак ҳам, ҳозирча бу сирни ошкор этолмаймиз.
Озодбек Назарбековнинг фикрлари, клипда қайси актёр бош ролни ижро этиши ва бошқа барча маълумотлар ҳам тез кунда!
Кузатишда давом этамиз!
Фотолар “9999” Хуршид ва Нодир Собировдан олинди
