FATTOHHON.COM
« Все новости
25 апрель уни «Бунёдкор» стадионида бўлиб ўтадиган “Ҳаёт учун!” хайрия футболига актёрларнинг “Хижолат” жамоасида тайёргарлик авжида!
Актёрларнинг “Хижолат” жамоаси бир неча ойдан буён бу ўйинга жиддий тайёргарлик кўриб, ҳозирда профессионал футболчилардек маҳорат билан майдонда тўп сурмоқдалар. Кеча 9 апрель куни бўлиб ўтган тайёргарлик жараёнларида ҳам бу яққол кўриниб турарди.
Жамоа сардори Жаҳонгир Позилжонов,
ўйинчилар Алишер Узоқов,
Ёқуб Аҳмедов,
Муҳбилло Убайдуллаев,
Валижон Шамшиев,
Отабек Мирзахолов,
Акбархўжа Расуловлар энг кучли ўйинчилардан назаримизда. Бу уларнинг майдондаги ҳаракатларидан сезилиб турибди. Тайёргарлик жараёнидаги ўйинларда ҳам, йигитлар шиддат билан ҳақиқий футболдаги каби тўп сураётганлари таҳсинга лойиқ.
Алишер Узоқов эса, эндиликда профессионал футболчи ва “Истиқлол” жамоасининг 10 рақамли ўйинчиси!
Ҳозирда улар, 25 апрель куни бўлиб ўтадиган футбол учун тайёр! Албатта, бунда гуруҳ тренери Рустам Қурбонбоевнинг ҳам ҳиссаси катта.
Йигитларнинг ўзларида ҳам футболга бўлган қизиқиш ва маҳорат ниҳоятда кучли.
ҚВЗ жамоаси раҳбари Бекзод Комилжонов эса, ҳақиқий “поддержка”, қўллаб-қувватловчи дейиш мумкин.
Бу инсон, жамоани энг зарурий бўлган сув, кола, чипс ва бошқа егуликлар билан таъминлаб турибдилар. Инсонийлик ана шундай вақтда билинади.
Хонандаларнинг “Бирровчи”лар жамоаси вакиллари ҳам, “бирров” бу ерга ҳам келиб, ҳамкасблардан хабар олиб, ҳол-аҳвол сўраб кетишни унутмаяптилар.
“Хижолат” жамоасидан 25 апрель куни энг ўзгача ва энг қизиқарли ўйин кутилмоқда. Демак, энг асосийси ҳали олдинда!
Саида Вахобова
Феруза Фаттохова
