FATTOHHON.COM
« Все новости
“Келажак овози” ёшлар ташаббуслари марказининг “Биз бир жамоамиз!” лойиҳаси иштирокчиларини Қашқадарё хушнудлик билан кутиб олди!
10 апрель куни тонданоқ Қарши Давлат Университетида “Дилемма”ни ривожлантириш тренинги билан, Қашқадарёдаги тадбирлар бошлаб юборилди.
Интернет журналистикасига оид тренинг, “Келажак Лингво”, “Келажак овози” танлови PR- акцияси каби тадбирларда Қашқадарёлик ёшлар фаол иштирок этишди.
PR- акцияси ниҳоясида “Зарба” гуруҳи энг фаол ёшларни тақдирлашди.
“Ҳаёт учун!” форум марафонига старт берилди! 
Қашқадарёликлар мазкур марафонга алоҳида тайёргарлик кўрганликларини билиниб турарди.
Форум марафондан сўнг, барча Қашқадарёнинг “Насаф” стадионига йиғилдилар.
Бу ерда аввал форум марафон ғолиблари, фаол ёшлар тақдирландилар.
Сўнг, барча орзиқиб кутаётган Юлдузлар жамоаси ва Қашқадарёлик “Келажак овози” иштирокидаги “Ҳаёт учун!” хайрия футбол матчи бошланди. Қашқадарёликлар орасида, асосий ҳужумчилар орасида қиз бола ўйинчининг борлиги ҳаммани ҳайратга солди.
Ўйин жуда ҳам қизғин руҳда ўтди. Ҳисоб бўйича 1:1 дуранг натижа қайд қилинди. Лекин, пенальтилар сериясига кўра, “Келажак овози” 3:2 ҳисобида ғолиб бўлди.
Аммо, муҳими ғалаба эмас, жараён ва “Ҳаёт учун!”.
Энг асосийси “Кўкрак бези саратони” билан хасталанган инсонларни ҳаётга ишонч ва умидларини ошириш, уларни қўллаб-қувватлаш!
Энг муҳими, дўстлик ғалабаси!
Иштирокчилар хайрли ишларга ўз ҳиссаларини қўшиб, “Келажак овози” гала-концертида ҳам фаол иштирок этдилар.
Маълумотлар, фотолар ва видеолар учун алоҳида Marka_Z гуруҳидан Mister Joker Жавлонга, ҳамда "Беном" гуруҳи администратори Қобилжонга миннатдорчилик билдирамиз!
Саида Вахобова
Феруза Фаттохова
